ആറുഭാര്യമാർക്കൊപ്പം ഒരുമിച്ചു കിടന്നുറങ്ങുന്നതിനായി കൂറ്റൻ കിടക്ക നിർമിച്ച് യുവാവ്.‌ ബ്രസീലിലെ സാവോപോളോയിൽ നിന്നുള്ള ആർതര്‍ ഒ ഉസ്രോ എന്ന യുവാവ് തന്റെ 6 പങ്കാളികൾക്കൊപ്പം ഒരുമിച്ച് ഉറങ്ങുന്നതിനായി കൂറ്റൻ കിടക്ക നിർമിച്ചത്. 81 ലക്ഷം രൂപയാണ് ഇതിന്റെ നിർമാണ ചിലവ്. 15 മാസം എടുത്താണ് ഈ കിടക്കയുടെ നിർമാണം പൂർത്തിയാക്കിയത്. കിടക്കയുടെ ചിത്രങ്ങൾ ആർതർ തന്നെ തന്റെ ഇൻസ്റ്റഗ്രാം അക്കൗണ്ടിൽ പങ്കുവച്ചു. 

സിനിമയെ വെല്ലുന്ന പ്രണയകഥ പറഞ്ഞ് ദമ്പതികൾ; അവിശ്വസനീയം എന്ന് സോഷ്യൽ മീഡിയ

പലതവണ സോഫയും ഡബിൾ ബെഡും പങ്കിടേണ്ടി വന്നു. പങ്കാളികൾക്കു സ്ഥലമൊരുക്കാൻ തറയിൽ പോലും ഉറങ്ങി. അങ്ങനെയാണ് ആറ് പങ്കാളികൾക്കൊപ്പം ഒരുമിച്ചുറങ്ങാൻ ഒരു കിടക്ക എന്ന ആശയത്തിലേക്ക് എത്തിയത്. ഈ കിടക്കയ്ക്ക് ലോകറെക്കോർഡ് ലഭിക്കുമെന്നും ആർതര്‍ പറയുന്നു. 

27കാരിയായ ലുവാന കസാക്കിയെയാണ് ആർതർ ആദ്യം വിവാഹം ചെയ്തത്. പിന്നീട് എമിലി സൗസ, വാൽക്വേറിയ സാന്റോസ്, ഡാമിയാന, അമാൻഡ ആൽബുകെർക് എന്നിവരെയും ആർതർ പങ്കാളികളാക്കി. 51കാരിയായ ഒലിൻഡ മരിയയെയാണ് അവസാനമായി വിവാഹം ചെയ്തത്. നേരത്തെ 9 പങ്കാളികളുണ്ടായിരുന്ന ആർതർ ഇതിൽ മൂന്നു പേരുമായുള്ള ബന്ധം വേർപ്പെടുത്തി. എല്ലാവരിലും ഓരോ കുഞ്ഞു വീതം വേണമെന്നാണ് തന്റെ ആഗ്രഹമെന്നും ആർതർ വെളിപ്പെടുത്തു. 

English Summary: Man Spends Rs 81 Lakh On 20-Foot Bed To Sleep With 6 Wives Together