വിവാഹ വേദിയിൽ ഗോൾഗാപ്പ കിരീടവും മാലയും അണിഞ്ഞ് വധു; വൈറലായി വിഡിയോ

ഭക്ഷണപ്രിയരുടെ ഇഷ്ട ഭക്ഷണങ്ങളിൽ ഒന്നാണ് ഗോൾഗാപ്പ. സ്ട്രീറ്റ് ഭക്ഷണങ്ങളിൽ ഏറ്റവും സ്വാദിഷ്ടമായ ഒന്നാണ് ഇത്. എന്നാൽ ഈ വിഡിയോ കാണുമ്പോൾ ഇങ്ങനെയുണ്ടോ ഒരു ഗോൾഗാപ്പ പ്രണയം എന്ന് ചോദിച്ചു പോകും. അത്തരത്തിൽ ഒരു വിഡിയോയാണ് ഇപ്പോൾ സമൂഹമാധ്യമങ്ങളിൽ വൈറലാകുന്നത്. വിവാഹത്തിനോടനുബന്ധിച്ചു നടത്തിയ ചടങ്ങിൽ ഈ വധു അണി​ഞ്ഞ ഗോൾഗാപ്പ മാലയും കിരീടവും ഏറ്റെടുത്തിരിക്കുകയാണ് സോഷ്യല്‍ മീഡിയ

‘ഇതാണ് ശരിക്കും ഗോൾഗാപ്പയെ പ്രണയക്കുന്ന വ്യക്തി’ എന്ന കുറിപ്പോടെയാണ് വിഡിയോ വൈറലാകുന്നത്. വിവാഹ വേദിയില്‍ നിരവധി ഗോൾഗാപ്പ ചേർത്തുള്ള മാലയും കിരീടവും ധരിച്ചിരിക്കുന്ന യുവതിയാണ് വിഡിയോയിൽ ഉള്ളത്. ‘@arthibalajimakeoverstyles’ എന്ന ഇൻസ്റ്റഗ്രാം പേജിലാണ് വിഡിയോ പ്രത്യക്ഷപ്പെട്ടത്. വിഡിയോയിൽ പറയുന്നതു പ്രകാരം വധുവിന്റെ പേര് അക്ഷയ എന്നാണ്. വരൻ അഭിഷേകും.  ‘ഇന്ത്യൻ വിവാഹത്തോട് അനുബന്ധിച്ചു നടക്കുന്ന രസകരമായ ചില ആചാരങ്ങളുണ്ട്. ഇത്തരം ആചാരങ്ങൾ ചടങ്ങിന്റെ ഭാഗമാണ് എന്ന കുറിപ്പോടെയാണ് വിഡിയോ പങ്കുവയ്ക്കുന്നത്.