ചാക്കോച്ചന്റെ ‘കരാട്ടെ കിഡ്’ : ഇസക്കുട്ടന്റെ ക്യൂട്ട് ചിത്രവുമായി കുഞ്ചാക്കോ ബോബൻ

കരാട്ടെക്കാരൻ ഇസക്കുട്ടന്റെ ഒരു സൂപ്പർ ക്യൂട്ട് ചിത്രമാണ് ഇത്തവണ കുഞ്ചാക്കോ ബോബൻ തന്റെ സോഷ്യൽമീഡിയ പേജിൽ പോസ്റ്റ് ചെയ്തിരിക്കുന്നത്. ബാൽക്കണിയിൽ പുറത്തെ കാഴ്ചകൾ കണ്ടുനിൽക്കുകയാണ് കുഞ്ഞു ഇസഹാക്ക്.  നിരവധി ലൈക്കുകളും കമന്റുകളുമാണ് ഈ കുഞ്ഞുതാരത്തിന്റെ ചിത്രത്തിന് ലഭിക്കുന്നത്.

ഈ കൊറോണക്കാലത്ത് ഇസക്കുട്ടനുമൊത്ത് കൂടുതൽ സമയം പങ്കിടാനായതിന്റെ സന്തോഷം ചാക്കോച്ചന്റെ പല സോഷ്യൽമീഡിയ പോസ്റ്റുകളിലും കാണാം. മകനുമൊത്ത് അവധിയാഘോഷിക്കുന്ന നിരവധി ചിത്രങ്ങളും ചാക്കോച്ചൻ പങ്കുവച്ചിരുന്നു. മുൻപ്  ഇസക്കുട്ടൻ ഫുഡ്ബോളുമായും ബാഡ്മിന്റൺ റാക്കറ്റുമായുമൊക്കെ കൂട്ടുകൂടിയിരിക്കുന്ന ചിത്രങ്ങൾ താരം പങ്കുവച്ചിരുന്നു. 

ചാക്കോച്ചന് ഒരു മകൻ ജനിച്ചത് ആരാധകർ ആഘോഷമാക്കിയിരുന്നു. മകന്റെ വിശേഷങ്ങളും ചിത്രങ്ങളും ചാക്കോച്ചനും ഭാര്യ പ്രിയയും പങ്കു വയ്ക്കാറുണ്ട്.  ഇസഹാക്ക് എന്ന ഇസയുടെ വിശേഷങ്ങളറിയാൻ ആരാധകർക്കും താല്പര്യമാണ്.

 English Summary : Kunchacko Boban post a cute photo of son Izahaak