‘കോഴിയേ...എന്തിനാ നീ ചത്തുപോയത്’; കോഴിയ്ക്കരുകിലിരുന്നു വാവിട്ടു കരയുന്ന കുഞ്ഞ് : കണ്ണുനിറയ്ക്കും വിഡിയോ

കുഞ്ഞുമക്കൾക്ക് വീട്ടിലെ വളർത്തുമൃഗങ്ങളും പക്ഷികളുമൊക്കെ സ്വന്തം കൂ‌‌‌ടപ്പിറപ്പിപ്പോലെയാണ്.  അവയ്ക്കൊപ്പം കൂ‌‌ട്ടുകൂ‌ടിയും വർത്തമാനവും കളികളുമൊക്കയായാണ് കുട്ടികളുടെ ഓരോ ദിവസവും കടന്നുപോകുന്നത്. അവരുടെ ഏറ്റവും അടുത്ത കൂട്ടുകാരും പലപ്പോഴും ഈ ജീവികളായിരിക്കും  അത്തരത്തിൽ തന്റെ ജീവനെപ്പോലെ കരുതിയിരുന്ന കോഴി ചത്തുപോയപ്പോൾ ഒരു കുഞ്ഞിന്റെ ചങ്കുപൊട്ടുന്ന സങ്കടമാണ് ഈ വിഡിയോയിൽ.   ‘കോഴിയേ..  അതെന്തിനാ നീ ചത്തുപോയത്’ എന്ന കുഞ്ഞിന്റെ ആ കരച്ചിൽകേട്ടാൽ ആരു‌ടേയും ചങ്കൊന്നു പിടയ്ക്കും. നിഷ്ക്കളങ്കമായ ആ സ്നേഹം കണ്ട് കണ്ണുനിറഞ്ഞ് സോഷ്യൽ മീഡിയയും.  

ചത്തുപോയ കോഴിയ്ക്കരുകിലിരുന്നു വാവിട്ടു കരയുകയാണ് ആ കുഞ്ഞ്. ‘കോഴിയേ..കോഴിയേ..‘ കണ്ണ് തുറക്ക് കോഴി.. ’  എന്ന് നീട്ടിവിളിച്ച് ഏങ്ങലടിക്കുന്ന ഈ കുഞ്ഞിന്റെ വിഡിയോ സോഷ്യൽ ലോകത്ത് വൈറലാകുകയാണ്. അപ്പോഴാണ് കുഞ്ഞനിയൻ കോഴിയ്ക്കരികിലേയ്ക്ക് വരുന്നത്  ‘അതിനെ തൊടരുത് എന്ത് രസമുള്ളൊരു കോഴിയായിരുന്നു’ എന്ന് അവനോ‌ട് സങ്കടത്തോടെ പറയുകയാണീ കുഞ്ഞുമോൾ.

ആ കുഞ്ഞിക്കൈകൾകൊണ്ട്  തലോടിയും കുലുക്കിവിളിച്ചും കോഴിയെ ഉണർത്താൻ നോക്കുകയാണ് ഈ കുഞ്ഞാവ. ഈ കുഞ്ഞിന്റെ കോഴിയോ‌ടുള്ള ആത്മാര്‍ഥ സ്നേഹം കണ്ട് കരഞ്ഞുപോയി എന്നാണ് വിഡിയോയ്ക്ക് താഴെ വന്ന കമന്റുകളിലധികവും.

 English summary : Viral video of a little girl with her dead hen