ഇതിലും മനോഹരമായി ഈ പാട്ട് പാടാമോ? ; അമ്മയെ കടത്തിവെട്ടി കുഞ്ഞു പാട്ടുകാരി

അഗർ തും സാത്ത് ഹോ... ഈ പാട്ട് ഇതിനേക്കാൾ മനോഹരമായി ആർക്കങ്കിലും പാടാൻ സാധിക്കുമോ എന്നാണ് സോഷ്യൽ ലോകം ഒന്നടങ്കം ചോദിക്കുന്നത്. അമ്മയ്​ക്കൊപ്പം മനോഹര ഭാവപ്രകടനങ്ങളുമായി ഒരു കുഞ്ഞ് ഈ പാട്ട് പാടുന്ന വിഡിയോ ഏറ്റെടുത്തിരിക്കുകയാണ് സമൂഹമാധ്യമങ്ങൾ. 2015 ൽ പുറത്തിറങ്ങിയ തമാഷ എന്ന സിനിമയിലെ ഈ ഹിറ്റ് ഗാനം അരിജിത് സിങും-അൽക യാഗ്നിക്കു ചേർനാണ് പാടിയിരിക്കുന്നത്.അഞ്ജന മഠത്തിൽ എന്ന യുവതിയാണ് മകൾക്കൊപ്പമുള്ള ഈ പാട്ട് വിഡിയോ ഫെസ്ബുക്കിൽ പോസ്റ്റ് ചെയ്തത്. നിമിഷ നേരംകൊണ്ടാണ് ഈ കുഞ്ഞു പാട്ടുകാരിയുടെ വിഡിേയാ വൈറലായത്.

ഒരു യുക്കലേയ വായിച്ചുകൊണ്ടാണ് അഞ്ജന പാടുത്തത്,അമ്മയ്ക്കരുകിലിരുന്നു മകളും ഒപ്പം പാടുകയാണ്. അസാധ്യ ഭാവപ്രകടനങ്ങളോടെ അമ്മയെ കടത്തിവെട്ടി തകർത്തു പാടുകയാണ് കുഞ്ഞാവ. 49 സെക്കൻഡ് ദൈർഘ്യമുള്ള ആ വിഡിയോ വളരെ വേഗമാണ് സോഷ്യൽ മീഡിയ കൈയ്യടക്കിയത്. ലക്ഷക്കണക്കിന് ലൈക്കുകളും കമന്റുകളുമാണ് ഈ കുഞ്ഞു പാട്ടുകാരിയെ തേടിയെത്തുന്നത്. 

ഭാവിയില്‍‌‌‌‌ ‍‍ അറിയപ്പെടുന്നൊരു പാട്ടുകാരിയായി മാറട്ടെയന്നും ഈ കുഞ്ഞിന്റെ പാട്ട് വിഡിയോകൾ ഇനിയും പങ്കുവയ്ക്കണെമെന്നുമൊക്കെയാണ് വിഡിയോയ്ക്കുള്ള കമന്റുകൾ

English Summary: Little girl joins mom in singing ‘Agar tum saath ho’-viral video