‘ഓക്സിജൻ വിതരണ’വുമായി ഗിന്നസ് പക്രുവും മകൾ ദീപ്ത കീർത്തിയും
Mail This Article
സിനിമാലോകത്ത് എന്ന പോലെ സമൂഹമാധ്യമങ്ങളിലും താരമാണ് ഗിന്നസ് പക്രു എന്ന പേരിൽ അറിയപ്പെടുന്ന അജയകുമാർ. തന്റെ വിശേഷങ്ങൾ ആരാധകർക്കായി അദ്ദേഹം പങ്കുവയ്ക്കാറുണ്ട്. ഇത്തവണ മകൾ ദീപ്തകീർത്തിയ്ക്ക് ഒപ്പമുള്ള ഒരു വിഡിയോയാണ് അദ്ദേഹം പോസ്റ്റ് ചെയ്തത്. ‘ഓക്സിജൻ വിതരണം ’ എന്ന കുറിപ്പോടെ പങ്കുവച്ച വിഡിയോയിൽ മകൾക്കൊപ്പം മുറ്റത്ത് ഒരു മരം നടുകയാണ് ഗിന്നസ് പക്രു.
സേവ് നേച്ചർ, ലവ്, ലൈഫ്, എൻവയോൺമെന്റ് തുടങ്ങിയ ഹാഷ് ടാഗോടെയാണ് താരം ഈ വിഡിയോ പങ്കുവച്ചത്. നിരവധിപ്പോണ് ഈ അച്ഛന്റേയും മകളുടേയും കുഞ്ഞു വിഡിയോയ്ക്ക് ലൈക്കുകളും സ്നേഹവുമായെത്തിയത്. ദീപ്തകീർത്തിയ്ക്ക് ഒപ്പമുള്ള നിരവധി വിഡിയോകൾ പക്രു പങ്കുവയ്ക്കാറുണ്ട്. താരം മുൻപ് പങ്കുവച്ച മകളുടെ ഡാൻസ് വിഡിയോ ആരാധകരും ഏറ്റെടുത്തിരുന്നു.
English summary: Guinnes Prakru post a video with daughter Deepthakeerthi planting tree