205 രാജ്യങ്ങളുടെ തലസ്ഥാനങ്ങൾ കാണാതെ പറഞ്ഞ് രണ്ടര വയസ്സുകാരി; വിഡിയോ പങ്കുവച്ച് ഐ‌എ‌എസ് ഉദ്യോഗസ്ഥ

ഇരുന്നൂറ്റിയഞ്ച് രാജ്യങ്ങളുടെ തലസ്ഥാനങ്ങൾ ഒറ്റയിരുപ്പിൽ കാണാതെ പറഞ്ഞ് സോഷ്യൽ ലോകത്തെ ഞെട്ടിച്ചിരിക്കുകയാണ് ഒരു കൊച്ചു പെൺകുട്ടി. രാജ്യങ്ങളുടെ പേരുകൾ ഒരോന്നായി ചോദിക്കുമ്പോൾ ടപ്പടപ്പേന്ന്  തലസ്ഥാനങ്ങൾ പറയുകയാണ് ഈ രണ്ടര വയസ്സുകാരി. 

ഐ‌എ‌എസ് ഉദ്യോഗസ്ഥയായ പ്രിയങ്ക ശുക്ല തന്റെ ട്വിറ്റർ പേജിൽ പങ്കുവച്ചതോടെയാണ് വിഡിയോ വൈറലായത്. തന്റെ സഹപ്രവര്‍ത്തകന്‍ പ്രദീപിന്റെ മകൾ പ്രണിനയാണ് ഈ കൊച്ചു മിടുക്കിയെന്നും അസാധാരണമായ ഓർമശക്തിയാണ് പ്രണിന പ്രകടമാക്കുന്നതെന്ന് പ്രദീപ് പറഞ്ഞുവെന്നും പ്രിയങ്ക ശുക്ല കുറിക്കുന്നു. 

ചോദ്യങ്ങൾക്ക് തെല്ലും ആലോചിക്കാതെയാണ് ഈ കുഞ്ഞ് ഉത്തരം പറയുന്നത്. ഈ കൊച്ചുമിടുക്കിയുടെ കഴിവിനെ പ്രശംസിച്ച് നിരവധി കമന്റുകളാണ് വിഡിയോയ്ക്ക് താഴെ വരുന്നത്. ഈ കോവിഡ് കാലത്ത്് ഇത്തരത്തിലുള്ള വിഡിയോകൾ കാണുന്നത് തന്നെ ഊർജം പകരുന്നുവെന്നും ഓർമശക്തികൊണ്ട് ഈ കുഞ്ഞ് ഞെട്ടിക്കുകയാണെന്നും പലരും കുറിച്ചു.

English summary : Two and half year old girl says capital of 205 countries- Viral video