ഓർമ്മ ശക്തിയിൽ വിസ്മയം തീർത്ത് നാല് വയസുകാരൻ ഐൻ ഇർഷാദ് കമ്മക്കകം

ഓർമ്മ ശക്തിയിൽ വിസ്മയം തീർത്ത് ഇന്ത്യൻ ബുക്ക് ഓഫ് റെക്കോർഡ്സിലും ഇന്റർനാഷണൽ ബുക്ക് ഓഫ് റെക്കോർഡ്സിലും ഇടം പിടിച്ച് നാല് വയസ്സുകാരൻ ഐൻ ഇർഷാദ് കമ്മക്കകം. ഒരുമിനിറ്റിൽ  നൂറിൽ കൂടുതൽ വാക്കുകൾ ഓർത്തെടുത്തു കൊണ്ടാണ് ഐൻ ഇന്ത്യൻ ബുക്ക് ഓഫ് റെക്കോർഡ്സിൽ ഇടംപിടിച്ചത്. വെറും 4 വയസ്സും 9 മാസം പ്രായമുള്ള ഐൻ നിലവിലെ റെക്കോർഡായ 5 വയസ്സ് 10 മാസം പ്രായമുള്ള കുട്ടിയെ തോൽപിച്ചാണ്  ഈ നേട്ടം കൈവരിച്ചത്.  

സയൻസ് വിഷയങ്ങളിലെ അറിവ്, പീരിയോഡിക് ടേബിളിലെ മൂലകങ്ങൾ മനഃപാഠമാക്കൽ, ഗ്രഹങ്ങളിലെ താല്പര്യം, കടൽ ജീവികളുടെ പേരുകൾ, ലോക ശാസ്ത്രജ്ഞരെ തിരിച്ചറിയൽ, സയൻറ്റിഫിക് പരീക്ഷണങ്ങൾ, വാഹനങ്ങളുടെ ലോഗോ തിരിച്ചറിയൽ തുടങ്ങി വിവിധയിനം മേഖലകളിലെ പ്രകടനങ്ങൾക്കായ് ഇന്റർനാഷണൽ ബുക്ക് ഓഫ് റെക്കോർഡ്‌സും അവരുടെ ‘സൂപ്പർ ടാലന്റ്ഡ് കിഡ് - വൺ ഇൻ എ മില്യൺ’ ആയി ഈ കൊച്ചു മിടുക്കനെ തിരഞ്ഞെടുത്തത്.

അമേരിക്കയിലെ അലബാമ സർവകലാശാലയിലെ കെമിക്കൽ എഞ്ചിനീറിങ്ങിൽ റിസർച് സയൻറ്റിസ്റ്റ് ആയ ഡോ. ഇർഷാദ് കമ്മക്കകത്തിന്റെയും കമ്പ്യൂട്ടർ സയൻസ് എഞ്ചിനീയറിംഗ് ബിരുദധാരി നബീല അലിയുടെയും മകൻ ആണ് ഐൻ ഇർഷാദ് കമ്മക്കകം. അലബാമയിലെ അർകാഡിയ എലിമെന്ററി സ്കൂളിൽ പ്രീ-കെ വിദ്യാർത്ഥിയായ ഐനിന്റെ മാതാപിതാക്കൾ കോഴിക്കോട് സ്വദേശികളാണ്. 

English Summary : Four year old Ain enter in India book of records and National book of records