‘ക്ലിഞ്ഞോ പ്ലിഞ്ഞോ സൗണ്ട്സ് ഉള്ള തത്തേ..’: ചിരി വിഡിയോയുമായി മൃദുല വാരിയറും മകളും

റിയാലിറ്റി ഷോകളിലൂടെ താരമായി മലയാള സിനിമാ സംഗീതത്തിലേക്കെത്തിയ ഗായികയാണ് മൃദുല വാരിയർ. പാട്ടിന്റെ വരികൾക്കപ്പുറം അതിന്റെ ആത്മാവറിഞ്ഞ് പാടുന്ന മനോഹരമായ ശബ്ദം, സംഗീത ലോകത്തെ മികച്ച സംവിധായകരുടെ പാട്ടുകൾ പാടാൻ കഴിഞ്ഞിട്ടുമുണ്ട് മൃദുലയ്ക്ക്. സമൂഹമാധ്യമങ്ങളിൽ സജീവമായ ഗായിക നിറയെ പാട്ടു വിശേഷങ്ങളുമായി എത്താറുമുണ്ട്. ഇപ്പോഴിതാ പാട്ടിൽ നിന്നു വ്യത്യസ്തമായി ഒരു തകർപ്പൻ അനുകരണവുമായി എത്തിയിരിക്കുകയാണ് മൃദുല വാരിയരും മകളും.

‘ക്ലിഞ്ഞോ പ്ലിഞ്ഞോ സൗണ്ട്സ് ഉള്ള തത്തേ..’ എന്ന രസകരമായ പാട്ടിന് അനുകരണമൊരുക്കിയിരിക്കുകയാണ് അമ്മയും മകളും. സുധീർ കുട്ടൻതുരുത്തും ഉല്ലാസും ചേർന്ന് വൈറലാക്കിയ ഒരു സ്കിറ്റിലെ ഈ ‘ക്ലിഞ്ഞോ പ്ലിഞ്ഞോ’ പാട്ട് അനുകരിച്ചുള്ള ഈ വിഡിയോയും ശ്രദ്ധേയമാകുകയാണ്. അമ്മയ്ക്കും മക‌ൾക്കും അഭിന്ദനങ്ങളുമായി ആരാധകരും എത്തി. മൃദുലയുടെ കൊച്ച് തകർത്തല്ലോയെന്നാണ് പലരും കമന്റുകൾ ചെയ്യുന്നത്.

നേരത്തെ ഒരു പാട്ടു വിഡിയോയുമായി  മൃദുല വാര്യരും മകളും എത്തിയിരുന്നു. ‘തന്നന്നം താനന്നം താളത്തിലാടി’ എന്ന പാട്ടു പാടുന്ന മൃദുലയുടെ മകളുടെ ആ വിഡിയോയ്ക്കും നിരവധി ആരാധകരായിരുന്നു. 

English summary: Singer Mrudula Warrrier post a video with daughter