ബോധരഹിതയായ അമ്മയുടെ ജീവൻ രക്ഷിച്ച് രണ്ടു വയസുകാരി: വൈറലായി ദൃശ്യങ്ങൾ

HIGHLIGHTS
  • ഈ കുഞ്ഞിന്റെ ദൃശ്യങ്ങൾ സോഷ്യൽ മീഡിയയിൽ വൈറലാണിപ്പോൾ
two-year-old-child-saves-her-mothers-life-who-fainted-at-moradabad-railway-station
ചിത്രത്തിന് കടപ്പാട് : എഎൻഐ
SHARE

ചില സമയങ്ങളിൽ ചെറിയ കുട്ടികളുടെ പ്രവർത്തികൾ നമ്മെ അദ്ഭുതപ്പെടുത്തും. അപകടങ്ങൾ  എന്താണെന്നു പോലും മനസിലാകാത്ത പ്രായത്തിൽ രണ്ടു വയസുള്ള ഒരു പെൺകുഞ്ഞ് അമ്മയുടെ ജീവൻ രക്ഷിക്കാൻ കാരണമായിരിക്കുകയാണ്. ഉത്തർപ്രദേശിലെ  മൊറാദാബാദ് റെയിൽവേ സ്റ്റേഷനില്‍  ബോധരഹിതയായ അമ്മയുടെ ജീവൻ രക്ഷിച്ച കുരുന്നിനെ അഭിന്ദനങ്ങൾ കൊണ്ടു മൂടുകയാണ് സോഷ്യൽ ലോകം. 

അമ്മ ബോധരഹിതയായി കിടക്കുന്നത് ഒന്നും മനസിലാകാതെ ആ രണ്ടു വയസുകാരി ആദ്യം പേടിച്ച് കരഞ്ഞെങ്കിലും, പെട്ടെന്നുതന്നെ എഴുന്നേറ്റ് അവിടെയുണ്ടായിരുന്ന പൊലീസ് ഉദ്യോഗസ്ഥയുടെ അരികിലെത്തി.  എന്നിട്ട് അവരുടെ കൈപിടിച്ച്  അമ്മയുടെ അരികിലെത്തിക്കുകയായിരുന്നു. എഎൻഐ യുടെ ട്വിറ്റർ പേജിൽ പങ്കുവച്ച അമ്മയെ രക്ഷിക്കുന്ന, പിച്ചവച്ചു നടക്കുന്ന ഈ കുഞ്ഞിന്റെ ദൃശ്യങ്ങൾ സോഷ്യൽ മീഡിയയിൽ വൈറലാണിപ്പോൾ.

അമ്മയ്ക്കരികിൽ മറ്റൊരു പിഞ്ചു കുഞ്ഞുകൂടെയുണ്ടായിരുന്നു. റെയിൽവേ പൊലീസ് ഉടൻ തന്നെ സ്ത്രീയ്ക്ക് പ്രാഥമിക ശുശ്രൂഷ നൽകി. ഉടനടി ജില്ലാ ആശുപത്രിയിൽ എത്തിച്ചതായി ആർപിഎഫ് ഉദ്യോഗസ്ഥൻ മനോജ് കുമാർ അറിയിച്ചു.  

English summary ; Two year old child saves her mother's life who fainted at Mmoradabad railway station

Disclaimer

നിങ്ങളുടെ കുട്ടിക്ക് എന്തിലെങ്കിലും പ്രത്യേക കഴിവുണ്ടോ? അധികമാരും കൈവയ്ക്കാത്ത ഏതെങ്കിലും മേഖലയിൽ മിടുക്കു കാട്ടുന്നുണ്ടോ? എങ്കിൽ മനോരമ ഓൺലൈനിലൂടെ അവരെ ലോകം അറിയട്ടെ. കുട്ടിയെപ്പറ്റിയുള്ള വിവരണം ഞങ്ങൾക്ക് അയച്ചു തരിക. കുട്ടിയുടെ പേര്, മാതാപിതാക്കളുടെ വിലാസം, ബന്ധപ്പെടാനുള്ള ഫോൺ നമ്പർ, കുട്ടിയുടെ ഫോട്ടോ എന്നിവ children@mm.co.in എന്ന മെയിൽ ഐഡിയിലേക്ക് അയയ്ക്കാം.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN KIDZ-CLUB
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

ഒടുവിൽ കാട്ടുപന്നി തോറ്റു, തോമസ് ജയിച്ചു

MORE VIDEOS
FROM ONMANORAMA