ജോർജ് രാജകുമാരന് എട്ടാം പിറന്നാൾ: അപൂർവ ചിത്രം പങ്കുവെച്ച് കെയ്റ്റ് മിഡിൾട്ടൺ
Mail This Article
ബ്രിട്ടിഷ് രാജവംശത്തിലെ ഇളമുറക്കാരനായ ജോർജ് രാജകുമാരന് ഇന്ന് എട്ടാം പിറന്നാൾ. പിറന്നാൾ ദിനങ്ങളിലെ പതിവുതെറ്റിക്കാതെ ജോർജ് രാജകുമാരന്റെ മനോഹരമായ ഒരു ചിത്രം അച്ഛനമ്മമാരായ വില്യമും കെയ്റ്റ് മിഡിൽട്ടണും സമൂഹമാധ്യമങ്ങളിൽ പങ്കുവെച്ചു.
എന്നാൽ ജോർജ് രാജകുമാരന്റ പുതിയ ചിത്രത്തിന് മറ്റൊരു സവിശേഷത കൂടിയുണ്ട്. അടുത്തിടെ മരണപ്പെട്ട ഫിലിപ് രാജകുമാരനോടുള്ള ബഹുമാനം സൂചിപ്പിക്കുന്നതാണ് ഈ ചിത്രം. മുത്തച്ഛനായ ഫിലിപ് രാജകുമാരന് ഏറെ ആത്മബന്ധം ഉണ്ടായിരുന്ന ലാൻഡ് റോവർ ഡിഫൻഡർ കാറിന് മുകളിൽ ജോർജ് രാജകുമാരൻ ഇരിക്കുന്ന ചിത്രമാണ് ഇത്. നോർഫോക് സന്ദർശനവേളയിൽ കെയ്റ്റ് മിഡിൾട്ടൺ തന്നെയാണ് ചിത്രം പകർത്തിയിരിക്കുന്നത്.
രാജവംശത്തിലെ ഇളമുറക്കാരുടെ ചിത്രങ്ങൾ എപ്പോഴും സമൂഹമാധ്യമങ്ങളുടെ ശ്രദ്ധ വളരെ വേഗത്തിൽ പിടിച്ചു പറ്റാറുണ്ട്. ജോർജ് രാജകുമാരന്റെ ചിത്രത്തിന്റെ കാര്യവും മറിച്ചല്ല. ചിത്രം പങ്കുവച്ച് മണിക്കൂറുകൾക്കകം പതിനായിരക്കണക്കിന് ആൾക്കാരാണ് രാജകുമാരന് ആശംസകൾ നേർന്നത്.
English summary : Prince William and Kate release birthday photo of son prince George