കണ്മണിക്കുട്ടിയ്ക്ക് സർപ്രൈസ് സമ്മാനമൊരുക്കി മുക്തയും റിങ്കുവും – വിഡിയോ
Mail This Article
കണ്മണിക്കുട്ടിയുടെ അഞ്ചാം പിറന്നാൾ കഴിഞ്ഞ ദിവസമായിരുന്നു. ആഘോഷത്തിന്റെ വിഡിയോ മുക്തയും റിമി ടോമിയും തങ്ങളുടെ സമൂഹമാധ്യമ പേജുകളിൽ പങ്കുവച്ചിരുന്നു. ഇപ്പോഴിതാ മകൾക്കു നൽകിയ സർപ്രൈസ് സമ്മാനത്തിന്റെ വിഡിയോയുമായി എത്തിയിരിക്കുകയാണ് മുക്ത. ഒരു പട്ടിക്കുഞ്ഞിനെയാണ് കണ്മണിയ്ക്ക് പിറന്നാളിന് മുക്തയും റിങ്കുവും സമ്മാനിച്ചത്.
കണ്മണിയെ കണ്ണുപൊത്തി പിടിച്ച് റിമിക്കൊച്ചമ്മ എത്തിച്ചതും മനോഹരമായി അലങ്കരിച്ച ഒരു കൂടയിൽ പട്ടിക്കുഞ്ഞിനെ സമ്മാനിക്കുകയാണ് മുക്തയും റിങ്കുവും. സമ്മാനം കണ്ട് അതിശയത്തോടെയും നിറഞ്ഞ സന്തോഷത്തോടെയും നിൽക്കുന്ന കണ്മണിയേയും വിഡിയോയിൽ കാണാം. ഫ്രോസൺ തീമിലായിരുന്ന കണ്മണിയുടെ ഇത്തവണത്തെ പിറന്നാൾ ആഘോഷം.. കുടുംബാംഗങ്ങൾ എല്ലാം ഒത്തു ചേർന്ന ഈ പിറന്നാൾ ആഘോഷത്തിന്റെ വിഡിയോ റിമി ടോമിയുെട ഔദ്യോഗിക യുട്യൂബ് ചാനലിലാണ് പങ്കുവച്ചിരിക്കുന്നത്.
കണ്മണിയുടെ നാലാമത്തെ പിറന്നാളിന് അമ്മയും മകളും ചേർന്നുള്ള തകർപ്പൻ നൃത്തത്തിന്റെ വിഡിയോ പോസ്റ്റ് ചെയ്തുകൊണ്ടാണ് മുക്ത കണ്മണിക്കുട്ടിയ്ക്ക് ആശംസ അറിയിച്ചത്. മുക്ത സോഷ്യൽ മീഡിയയിൽ സജീവസാന്നിധ്യമാണ്. ഗായിക റിമി ടോമിയുടെ സഹോദരൻ റിങ്കുവിന്റേയും മുക്തയുടേയും മകളായ കിയാര എന്ന കണ്മണി സോഷ്യൽ ലോകത്ത് താരമാണ്. അമ്മയ്ക്കും റിമി കൊച്ചമ്മയ്ക്കുമൊപ്പം പല വിഡിയോകളിലൂടെയും കൺമണിക്കുട്ടി സോഷ്യൽ മീഡിയയിലൂടെ എത്താറുണ്ട്.
English Summary: Actress Muktha post video of surprise birthday gift for daughter Kanmani