പരുക്കേറ്റ കാക്കക്കുഞ്ഞിനായി പ്രാർഥനയോടെ കുഞ്ഞു സമിഷ: ക്യൂട്ട് വിഡിയോയുമായി ശിൽപ ഷെട്ടി

HIGHLIGHTS
  • കാക്കക്കുഞ്ഞിനായി കൈകൂപ്പി പ്രാർഥിക്കുകയാണ് സമിഷ
shilpa-shetty-share-cute-video-with-daughter-samisha
ചിത്രത്തിന് കടപ്പാട് : ഇൻസ്റ്റഗ്രാം
SHARE

പരുക്കേറ്റ് വീട്ടുമുറ്റത്ത വീണ് കിടക്കുന്ന കാക്കക്കുഞ്ഞിനായി കൈകൂപ്പി പ്രാർഥിക്കുന്ന മകൾ സമിഷയുടെ മനോഹരമായ ഒരു വിഡിയോയാണ് ശിൽപ ഷെട്ടി ഇൻസ്റ്റഗ്രാമിൽ പങ്കുവച്ചത്. പറക്കാനാകാതെ നിലത്തിരിക്കുന്ന കുഞ്ഞു കാക്കയെ അമ്മയ്​ക്ക്  കാണിച്ചുകൊടുക്കുകയും അതിന്  വേഗം സുഖമാകാന്‍ വേണ്ടി ആത്മാർഥമായി പ്രാർഥിക്കുകയുമാണീ കുരുന്ന്. 

‌രണ്ട് വയസ്സുപോലും തികഞ്ഞിട്ടില്ലാത്ത മകൾ കാണിക്കുന്ന അനുകമ്പയും സഹാനുഭൂതിയും കാണുമ്പോൾ അതിശയം തോന്നുന്നുവെന്നും. കുഞ്ഞുങ്ങളുടെ ഹൃദയം ശുദ്ധമാണന്നും, ആർക്കെങ്കിലും  പ്രാർത്ഥനയും ഉപാധികളില്ലാത്ത സ്നേഹവും ആവശ്യമുണ്ടെങ്കിൽ അതവർ സഹജമായി അറിയുന്നുവെന്നും  ഈ ഹൃദ്യമായ വിഡിയോ പങ്കുവച്ചുകൊണ്ട് ശില്പ കുറിച്ചു. കുഞ്ഞു സമിഷയുടെ പ്രാർഥനയ്ക്കും കരുതലിനും സ്നേഹമറിയിച്ചെത്തിയവർ നിരവധിയാണ്.

കുഞ്ഞു കൈകളുടെ ചിത്രം സമൂഹമാധ്യമങ്ങളിലൂടെ പങ്കുവച്ചായിരുന്നു ശിൽപ തന്റെ മകളെ ആരാധകർക്കും സുഹൃത്തുക്കൾക്കും  ആദ്യമായി പരിചയപ്പെടുത്തിയത്. ‘ഒരു അദ്ഭുതത്തിലൂടെ ഞങ്ങളുടെ പ്രാർഥനകള്‍ക്ക് ഉത്തരമായി. ഞങ്ങളുടെ ഹൃദയം നിറഞ്ഞ നന്ദി. ഞങ്ങളുടെ കുഞ്ഞു മാലാഖ സമീഷ ഷെട്ടി കുന്ദ്രയുടെ വരവിൽ അതിയായ സന്തോഷമുണ്ട്. ജനനം: ഫെബ്രുവരി 15, 2020.’ ശിൽപ സോഷ്യൽ മീഡിയയിൽ കുറിച്ചു  2012ലാണ് മൂത്ത മകൻ വിയാൻ ജനിച്ചത്. 

English Summary : Shilpa Shetty share cute video with daughter Samisha

Disclaimer

നിങ്ങളുടെ കുട്ടിക്ക് എന്തിലെങ്കിലും പ്രത്യേക കഴിവുണ്ടോ? അധികമാരും കൈവയ്ക്കാത്ത ഏതെങ്കിലും മേഖലയിൽ മിടുക്കു കാട്ടുന്നുണ്ടോ? എങ്കിൽ മനോരമ ഓൺലൈനിലൂടെ അവരെ ലോകം അറിയട്ടെ. കുട്ടിയെപ്പറ്റിയുള്ള വിവരണം ഞങ്ങൾക്ക് അയച്ചു തരിക. കുട്ടിയുടെ പേര്, മാതാപിതാക്കളുടെ വിലാസം, ബന്ധപ്പെടാനുള്ള ഫോൺ നമ്പർ, കുട്ടിയുടെ ഫോട്ടോ എന്നിവ children@mm.co.in എന്ന മെയിൽ ഐഡിയിലേക്ക് അയയ്ക്കാം.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

വലവിരിച്ച് ചൈനീസ് ചാരക്കപ്പൽആശങ്കയോടെ ഇന്ത്യ

MORE VIDEOS