കമലയ്ക്ക് മൂകാംബികയിൽ ചോറൂണ് ; ചിത്രങ്ങൾ പങ്കുവച്ച് അശ്വതി

മക്കളുടെ കളിചിരികളും വിശേഷങ്ങളുമൊക്കെയായി സോഷ്യൽ മീഡിയയിൽ സജീവമാണ് അശ്വതി ശ്രീകാന്ത്. മൂത്ത മകൾ പദ്മയ്ക്ക് കൂട്ടായി കുഞ്ഞാവ കമലയെത്തിയിട്ട്  അധികനാളായില്ല. കമലയുടേയും പദ്മയുടേയും ചിത്രങ്ങളും വിഡിയോകളുമെല്ലാം അശ്വതി പങ്കുവയ്ക്കാറുണ്ട്. ഇപ്പോഴിതാ കമലയുടെ ചോറൂണിന്റെ ചിത്രങ്ങളാണ് അശ്വതി പോസ്റ്റ് ചെയ്തിരിയ്ക്കുന്നത്.

 മൂകാംബികയിൽ വച്ച് ഇന്നലെയായിരുന്നു ചോറൂണ്. കുടുംബത്തോടൊപ്പമുള്ള നിരവധി ചിത്രങ്ങളാണ് പങ്കുവച്ചിരിയ്ക്കുന്നത്. ചേച്ചിക്കുട്ടിയുടെ കൈകളിലിരിക്കുന്ന കുഞ്ഞു കമലയുടെ ക്യൂട്ട് ചിത്രത്തിന് ആരാധകരേറെയാണ്. 

‘ബേബി കെയറിങ്ങിന്റെ’ നല്ല പാഠങ്ങളും പലപ്പോഴായി താരം സോഷ്യൽ മീഡിയയിൽ പങ്കുവയ്ക്കാറുണ്ട്. അമ്മയെന്ന നിലയിലുള്ള തന്റെ അനുഭവങ്ങളും ചെറിയ ടിപ്സുകളും അശ്വതി യൂട്യൂബ് ചാനലിലൂടെ പങ്കുവയ്ക്കാറുണ്ട്. ടമ്മി ടൈം ഉൾപ്പെടെയുള്ള പലർക്കും പരിചിതമല്ലാത്ത സംഗതികളെക്കുറിച്ച് വിഡിയോയിലൂടെ അശ്വതി പങ്കുവച്ചിരുന്നു.

English Summary : Aswathy Sreekanth share photos of Kamala's choroonu ceremony