‘കുട്ടി’ റേസേഴ്സിന്റെ തകർപ്പൻ ഗോ–കാര്ട്ട്; വൈറലായി കുരുന്നുകളുടെ റേസിങ് വിഡിയോ
Mail This Article
സമൂഹമാധ്യമങ്ങളിൽ പല തരത്തിലുള്ള റേസര്മാരാണ് വൈറലാകുന്നത്. സൈക്കിള് മുതല് വലിയ വണ്ടികള്കൊണ്ടുള്ള അഭ്യാസങ്ങള് നിരവധിയും കാണാം. എന്നാല് ഉള്ളതുവച്ച് ഓണം പോലെ എന്നു പറയുന്നതുപോലെ, കുറച്ച് കുട്ടി റേസര്മാരാണ് ഇപ്പോള് ഇന്സ്റ്റഗ്രാമിലും മറ്റും വൈറല്. ഗോ-കാർട്ടിലാണ് ഇവരുടെ റേസിങ്. ഇത് നമ്മള് കാണുന്നത് പോലത്ര സാധാരണ ഗോ-കാർട്ടല്ല. ഒരുപറ്റം കുട്ടികള് നിര്മിച്ച കാര്ട്ടാണിത്. തനി നാട്ടിന്പുറം സ്റ്റൈല് വണ്ടിയാണിവര് ഉണ്ടാക്കിയത്.
കേരള– കർണാടക അതിർത്തിയിൽ നീലഗിരി ജില്ലിയിലെ കൂവന്മൂലയാണ് സംഭവം. വണ്ടിയുമായി തെന്നിനീങ്ങുന്ന കുട്ടികളുടെ വിഡിയോയാണ് ഇപ്പോള് ശ്രദ്ധ പിടിച്ചുപറ്റുന്നത്. മരംകൊണ്ടാണ് ഈ 'കൊച്ചു'കാര്ട്ടിന്റെ നിര്മാണം. ഇതുണ്ടാക്കിയ ശേഷം പ്രവര്ത്തിപ്പിക്കുന്നതിനായി എണ്ണ ഒഴിച്ചുകൊടുക്കുന്നതും വിഡിയോയില് കാണാം.
English Summary : Viral video of children making racing vehicle