‘ഓടിപ്പോ കാറ്റേ നീ ഒച്ചവയ്ക്കാതെ’; കൊഞ്ചിപ്പാടി രുദ്ര – വിഡിയോയുമായി കൈലാസ് മേനോൻ

മലയാളികളുടെ പ്രിയ സംഗീത സംവിധായകനാണ് കൈലാസ് മേനോൻ. ‘തീവണ്ടി’യിലെ ജീവാംശമായ് എന്ന ഗാനത്തിലൂടെയാണ് കൈലാസ് താരമായത്. കൈലാസ് മേനോന്റേയും അന്നപൂർണയുടേയും ആദ്യത്തെ കൺമണി സമന്യു രുദ്ര സമൂഹമാധ്യമത്തിൽ ഒരു കുട്ടിത്താരം കൂടിയാണ്. മകനൊപ്പമുള്ള സുന്ദര നിമിഷങ്ങളും അവന്റെ കളിചിരികളും പ്രിയപ്പെട്ടവരുമായി പങ്കുവയ്ക്കാറുള്ള കൈലാസ് ഇക്കുറിയും ഒരു ക്യൂട്ട് വിഡിയോ പങ്കിടുകയാണ്. ‘താരാട്ടു പാടുവാൻ അമ്മയുണ്ടല്ലോ ’ എന്ന പാട്ട് കൊഞ്ചിപ്പാടി രുദ്ര. പതിവ് ചിരിയുമായി അമ്മ ചോദിക്കുന്ന പാട്ടുകളൊക്കൊക്കെ പാടുകയാണ് ഈ കുസൃതിക്കുടുക്ക. 

അമ്മയ്​ക്കൊപ്പം ഒരു പാട്ട് വിഡിയോയുമായും രുദ്ര നേരത്തെ എത്തിയിരിരുന്നു. പള്ളിവാള് ഭദ്രവട്ടകവും, കിംകിംകിമ്മുമൊക്കയാണ് കുഞ്ഞു ദുദ്ര അമ്മയ്​ക്കൊപ്പം അന്ന് പാടിയത്. പാട്ടിനൊപ്പമുള്ള ആ സൂപ്പർ ചിരിയാണ് ക്യൂട്ട് രുദ്രയുടെ ഹൈലൈറ്റ്. അച്ഛൻ പങ്കുവയ്ക്കുന്ന ചിത്രങ്ങളിലൂടെയും വിഡിയോകളിലൂടെയും ഈ കുഞ്ഞാവ  സുപരിചിതനാണ്. സമന്യു ജനിച്ചപ്പോൾ മുതലുള്ള വിശേഷങ്ങൾ കൈലാസ് മേനോൻ ആരാധകരുമായി പങ്കുവയ്ക്കാറുമുണ്ട്.എപ്പോഴും സന്തോഷത്തോടും നിറഞ്ഞചിരിയോടെയും കാണുന്ന ഈ ക്യൂട്ട് വിഡിയോകൾക്ക് നിറയെ ആരാധകരുമുണ്ട്.

English Summary : Kailas Menon share cute singing video of son