കൺപീലികൾ പറിച്ചെടുത്ത് അമ്മ, അലറിക്കരഞ്ഞ് മകൻ; ഇത് പരിശുദ്ധമായ സ്നേഹം - വിഡിയോ

മറ്റുള്ളവർക്ക് വേദനിക്കുന്നത് കണ്ടാൽ മിക്ക കുട്ടികൾക്കും അത് സഹിക്കാനാകിയല്ല, പ്രത്യേകിച്ച് തങ്ങളുടെ അമ്മമാർക്ക്  വേദനിക്കുന്നത് കുഞ്ഞുങ്ങൾക്കും സങ്കടമാണ് അത്തരത്തിൽ ഒരു കുരുന്നിന്റെ സങ്കട വിഡിയോയാണ് സമൂഹമാധ്യമങ്ങളിൽ വൈറലാകുന്നത്. അമ്മ തന്റെ ഒട്ടിച്ചുവയ്ക്കുന്ന വ്യജ കണ്‍പീലികൾ പറിച്ചുമാറ്റുന്നത് കണ്ടിട്ടാണ് വിഡിയോ യിലെ കുരുന്നിന്റെ കരച്ചിൽ. അമ്മയുടെ ശരിക്കുള്ള കൺപീലികളാണ് എടുത്തു മാറ്റുന്നതെന്നാണ് കുഞ്ഞിന്റെ വിചാരം. നേഹ നിതിൻ നാഗ്പാൽ എന്ന യുവതിയാണ് മകന്റെ ഈ വിഡിയോ ഇൻസ്റ്റഗ്രാമിൽ പങ്കുവച്ചത്.

പുറത്തു പോയിവന്ന അമ്മ വ്യാജ കണ്‍പീലികൾ വലിച്ചെടുക്കുന്നത് കണ്ട് കുട്ടി ആകെ ഞെട്ടുന്നതും കരയുന്നതും വിഡിയോയിൽ കാണാം. താൻ പറിച്ചെടുക്കുന്നത് യഥാർത്ഥ കൺപീലിയാണെന്ന് മകൻ കരുതിയെന്നും അവ നീക്കം ചെയ്യുന്നത് തന്നെ വേദനിപ്പിച്ചേക്കുമെന്നും കരുതിയാണ് കുഞ്ഞ്  കരയുന്നതും  തടയാൻ ശ്രമിച്ചതെന്നും നേഹ പറഞ്ഞു. ‘വേദനയില്ലാത്ത കാര്യത്തിന് വേദന അനുഭവപ്പെടുന്ന ഇതിനെ ശുദ്ധമായ സ്നേഹം എന്ന് വിളിക്കുന്നു, എന്റെ കുഞ്ഞിനും അതുതന്നെയാണ് തോന്നിയത്. നിന്നെ സ്നേഹിക്കുന്നു.’ എന്ന കുറിപ്പിനൊപ്പമാണ് നേഹ ഈ വിഡിയോ പങ്കുവച്ചത്. കുഞ്ഞിന്റെ അമ്മയോടുള്ള ഇഷ്ടത്തിനും കരുതലിനും സ്നേഹമറിയിച്ചെത്തിയത് നിരവധിപ്പേരാണ്. 

Content Summary : Viral video of little boy crying seeing his mother pull out her fake eye lashes