‘മിയയുടേയും എന്റെയും അമൂല്യ നിധികൾ’; യാമിയുടേയും ലൂക്കയുടേയും ക്യൂട്ട് വിഡിയോയുമായി ശില്പ ബാല

മിയയുടെ മകൻ ലൂക്കയും തന്റെ മകൾ യാമിയും ഒന്നിച്ചുള്ള ഒരു സൂപ്പർ ക്യൂട്ട് വിഡിയോ പങ്കുവച്ചിരിക്കുകയാണ് അഭിനേത്രി ശില്പ ബാല. തക്കിട്ടു എന്നു വിളിപ്പേരുള്ള യാമിയും ലൂക്കയുമൊത്തുള്ള സന്തോഷ നിമിഷങ്ങളുടെ ഈ വിഡിയോ പങ്കുവച്ച് അവർ കുറിച്ചതിങ്ങനെയാണ് ‘മിയയുടേയും എന്റെയും അമൂല്യ നിധികൾ, എന്നേയ്ക്കും ലൂക്കയുടെ ബിഗ് സിസ്റ്റർ’. ഒരു കുഞ്ഞു ടോയ് കാറിൽ ലൂക്കയെയും ഇരുത്തി ഓടിക്കുകയാണ് യാമി. ഈ ക്യൂട്ട് വിഡിയോയ്ക്ക് നിറയെ സ്നേഹവുമായി ആരാധകരുമെത്തി. 

വിഡിയോയ്ക്ക് താഴെ നിരവധിപ്പേർ കമന്റുകളുമായെത്തി. മിയയും ശില്പബാലയും രസകരമായ കമന്റുകളും  പങ്കുവച്ചു. നിങ്ങളെ സ്നേഹിക്കുന്നുവെന്നും മിസ് ചെയ്യുന്നുവെന്നും തക്കിട്ടുവിനെ മോഷ്ടിച്ചു കൊണ്ടുപോകുമെന്നും മിയ കുറിച്ചപ്പോള്‍  തക്കിട്ടുവിനെ എടുത്തോ എന്ന ചിരിയോടെ മറുപടി കുറിച്ചിരിക്കുകയാണ് ശില്പ ബാല. യാമിയും  ലൂക്കയും തമ്മിലുള്ള  ചിത്രങ്ങളും വിഡിയോകളുമൊക്കെ ശില്പ ബാലയും മിയയും പങ്കുവയ്ക്കാറുണ്ട്. 

Content Summary : Actress Silpa Bala post video of  daughter Yami and Miya's son Luca