റോമനോവ് സർ വംശം റഷ്യയിൽ അധികാരം കുറിച്ചതിന്റെ 410ാം വാർഷികം

HIGHLIGHTS
  • 1613 മാർച്ച് 24നായിരുന്നു റോമനോവ് സാർ വംശത്തിന്റെ ഉദയം
410-years-of-romanov-dynasty
മിഖായേൽ റോമിനോവ്
SHARE

ലോകം ഇന്ന് ഏറ്റവും കൂടുതൽ ചർച്ച ചെയ്യുന്നത് റഷ്യ– യുക്രെയ്ൻ യുദ്ധത്തെക്കുറിച്ചാണ്. മാനവ രാശിയുടെ നാശത്തിനു തന്നെ ഈ യുദ്ധം വഴി വയ്ക്കുമോ എന്നു പോലും ലോകം ഭയക്കുന്നു. പതിനായിരക്കണക്കിനു ആളുകളെ യുദ്ധം അഭയാർഥികളാക്കുന്നു. ആഗോള സമ്പദ്‌വ്യവസ്ഥയ്ക്കു വലിയ തിരിച്ചടികളുണ്ടാക്കുന്നു. ബോംബാക്രമണത്തിന്റെയും മരണത്തിന്റെയും നഷ്ടങ്ങളുടെയും കണക്കെടുപ്പിനിടയിൽ അധികമാരും ചർച്ച ചെയ്യാതെ ഒരു ചരിത്ര സംഭവം കടന്നുപോയി. റഷ്യൻ സാമ്രാജ്യത്തെ 304 വർഷം മുന്നോട്ടു നയിച്ച റോമനോവ് സർ വംശം ഉദയം ചെയ്തതിന്റെ 410–ാമത്  വർഷം. 1613 മാർച്ച് 24നായിരുന്നു റോമനോവ് സാർ വംശത്തിന്റെ ഉദയം. 16 വയസ്സുകാരനായ മിഖായേൽ റോമിനോവിനെ റഷ്യയിലെ ഒരു സംഘം പ്രഭുക്കന്മാർ സർ പദവിയിലേക്ക് അവരോധിച്ചതോടെയാണ് റഷ്യയിലെ സംഭവ ബഹുലമായ ചക്രവർത്തി ഭരണത്തിന് തുടക്കമാകുന്നത്.

മോസ്കോയിലെ സമ്മേളനം

വിദേശ ആക്രമണങ്ങൾ കൊണ്ടും ആഭ്യന്തര കലഹങ്ങൾ കൊണ്ടും സംഘർഷഭരിതമായിരുന്നു അന്ന് റഷ്യ. സാമ്രാജ്യത്തെ കൈവിട്ടുകളയാൻ ഒരുക്കമല്ലാത്ത 50 നഗരങ്ങളിലെ പ്രഭുക്കന്മാർ മോസ്കോയിൽ ഒന്നിച്ചു ചേർന്നു. രാജ്യത്തിന്റെ നിലനിൽപിന് ഒരു ചക്രവർത്തിയെ തിരഞ്ഞെടുത്തേ മതിയാകൂ എന്നതായിരുന്നു സമ്മേളനത്തിന്റെ ലക്ഷ്യം. ഫയദോർ റോമനോവ് എന്ന പ്രഭുവിന്റെ മകനായിരുന്നു മിഖായേൽ. റഷ്യയിലെ റുറിക് വംശത്തിലെ അവസാന ചക്രവർത്തിയായിരുന്ന ഫയദോർ ഒന്നാമന്റെ കുടുംബത്തിൽ നിന്നു തന്നെയായിരുന്നു മിഖായേലും. റഷ്യയെ ശിഥിലമാക്കിയ ബോറിസ് ഗൊഡുനോവിനോട് മിഖായേലിന്റെ കുടുംബത്തിനുണ്ടായിരുന്ന ശത്രുതയും ചക്രവർത്തിയായി ആ ചെറുപ്പക്കാരനെ തിരഞ്ഞെടുക്കുന്നതിന് സഹായകമായി. അധികാരത്തിലിരിക്കെ ഗോഡുനോവ് മിഖായേലിനെയും കുടുംബത്തെയും പോളണ്ടിലേക്ക് നാടുകടത്തിയിരുന്നു. തുടർന്ന് മിഖായേലിന്റെ മാതാപിതാക്കൾ സന്യസ്തരെ പോലെ അവിടെ കഴിയുകയായിരുന്നു.

ചക്രവർത്തിയായി തിരഞ്ഞെടുക്കുമ്പോൾ അമ്മയ്ക്കൊപ്പം  മഠത്തിൽ

മോസ്കോയിൽ ഒരുമിച്ചുകൂടിയ പ്രഭുക്കന്മാർ മിഖായേലിനെ ചക്രവർത്തിയായി തിരഞ്ഞെടുക്കുമ്പോൾ അദ്ദേഹം അമ്മയ്ക്കൊപ്പം ഇപാറ്റീവിലെ മഠത്തിലായിരുന്നു. രാഷ്ട്ര ഭരണത്തിലേക്ക് മകൻ കടന്നാൽ ശത്രുക്കൾ അവനെ ഇല്ലാതാക്കുമെന്നു ഭയന്ന അമ്മ, ചക്രവർത്തി പദം ഏറ്റെടുക്കാൻ മകനെ അനുവദിച്ചില്ല. സമ്മേളന ശേഷം ദൗത്യ വാഹകരായെത്തിയ പ്രഭുക്കന്മാർക്ക് അവരോട് ഏറെനേരം ചർച്ച ചെയ്യേണ്ടതായി വന്നു. കാര്യങ്ങൾ തിരിച്ചറിഞ്ഞതോടെ മാതാവ് മനസ്സില്ലാ മനസ്സോടെ മകനു പുതിയ ദൗത്യം ഏറ്റെടുക്കാൻ അനുമതി കൊടുക്കുകയായിരുന്നു. ആദ്യഘട്ടത്തിൽ മതാപിതാക്കന്മാരുടെ നിയന്ത്രണത്തിലായിരുന്നു മിഖായേൽ രാജഭരണം നടത്തിയത്. പതിയെ രാജനീതിയുടെയും കൗശലത്തിന്റെ പാതകളിലേക്ക് അദ്ദേഹം നടന്നു കയറി. ചില ശത്രു രാജ്യങ്ങളുമായി ഉടമ്പടികളുണ്ടാക്കി സാമ്രാജ്യത്തിൽ സമാധാനം കൊണ്ടുവന്നു. അതൊരു തുടക്കമായിരുന്നു. റഷ്യക്ക് ഒഴിച്ചു നിർത്താനാകാത്ത സർ ചക്രവർത്തിമാരുടെ ചരിത്രത്തിന്റെ തുടക്കം. 

English Summary : Romanov dynasty

Disclaimer

നിങ്ങളുടെ കുട്ടിക്ക് എന്തിലെങ്കിലും പ്രത്യേക കഴിവുണ്ടോ? അധികമാരും കൈവയ്ക്കാത്ത ഏതെങ്കിലും മേഖലയിൽ മിടുക്കു കാട്ടുന്നുണ്ടോ? എങ്കിൽ മനോരമ ഓൺലൈനിലൂടെ അവരെ ലോകം അറിയട്ടെ. കുട്ടിയെപ്പറ്റിയുള്ള വിവരണം ഞങ്ങൾക്ക് അയച്ചു തരിക. കുട്ടിയുടെ പേര്, മാതാപിതാക്കളുടെ വിലാസം, ബന്ധപ്പെടാനുള്ള ഫോൺ നമ്പർ, കുട്ടിയുടെ ഫോട്ടോ എന്നിവ children@mm.co.in എന്ന മെയിൽ ഐഡിയിലേക്ക് അയയ്ക്കാം.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN PADHIPURRA
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

പേടിയില്ല, ഇതും ഒരു തൊഴിൽ | Well of Death | Lady bike rider | Manorama Online

MORE VIDEOS
FROM ONMANORAMA