ഇതുവരെയുള്ള രാഷ്ട്രപതിമാരുടെ വിവരങ്ങൾ ഒറ്റനോട്ടത്തിൽ
Mail This Article
∙ഡോ.രാജേന്ദ്രപ്രസാദ്
(കാലാവധി: 26.01.1950 – 13.05.1962)
∙ ആദ്യരാഷ്ട്രപതി.
∙ 1950 ജനുവരി 24ന് ഭരണഘടനാ നിർമാണസഭ രാഷ്ട്രപതിയായി തിരഞ്ഞെടുത്തിരുന്നതിനാൽ ഇന്ത്യ റിപ്പബ്ലിക്കായ 1950 ജനുവരി 26 മുതൽ രാഷ്ട്രത്തലവൻ.
∙ രാജ്യത്തെ ആദ്യ രാഷ്ട്രപതി തിരഞ്ഞെടുപ്പിലൂടെ 1952ൽ അധികാരത്തിലെത്തി. 1957ലും തിരഞ്ഞെടുക്കപ്പെട്ടു.
∙ രാഷ്ട്രപതിസ്ഥാനം ഏറ്റവും കൂടുതൽ കാലം (12 വർഷം മൂന്നര മാസം) വഹിച്ചു.
∙ രണ്ടു തവണ പദവിയിലെത്തിയ ഏകയാൾ.
∙ഡോ. എസ്.രാധാകൃഷ്ണൻ (13.05.1962– 13.05.1967 )
∙ തത്വചിന്തകൻ, ഗ്രന്ഥകാരൻ, അധ്യാപകൻ.
∙ രാജ്യത്തെ ആദ്യ ഉപരാഷ്ട്രപതിയും രാജ്യസഭാ അധ്യക്ഷനും.
∙ അദ്ദേഹത്തിന്റെ ജന്മദിനം (സെപ്റ്റംബർ 5) ദേശീയ അധ്യാപകദിനമായി ആചരിക്കുന്നു.
∙ഡോ. സാക്കിർ ഹുസൈൻ (13.05.1967– 03.05.1969)
∙ ഏറ്റവും കുറഞ്ഞകാലം രാഷ്ട്രപതി.
∙ അധികാരത്തിലിരിക്കെ മരിച്ച ആദ്യ രാഷ്ട്രപതി.
∙ അധ്യാപകൻ, യൂണിവേഴ്സിറ്റി വൈസ് ചാൻസലർ എന്നീ നിലകളിലും പ്രശസ്തനാണ്.
∙ ഡൽഹി ജാമിയ മിലിയ ഇസ്ലാമിയ സർവകലാശാലയുടെ സ്ഥാപകരിലൊരാൾ.
∙ ഗവർണർ, ഉപരാഷ്ട്രപതി പദവികൾ വഹിച്ചു.
∙1962 മുതൽ 1967 വരെ ഉപരാഷ്ട്രപതിയായിരുന്നു.
∙വി.വി. ഗിരി( 24.8. 1968–24.8.1974)
∙ കേരളത്തിൽ ഗവർണറായ ശേഷം രാഷ്ട്രപതിയായ ഏക വ്യക്തി.
∙ 1967 മുതൽ 1969 വരെ ഉപരാഷ്ട്രപതി.
∙ കേന്ദ്രമന്ത്രിയായിരുന്നു.
∙ രാഷ്ട്രപതി തിരഞ്ഞെടുപ്പു ചരിത്രത്തിലെ ഏറ്റവും കുറഞ്ഞ ഭൂരിപക്ഷത്തോടെ വിജയം
∙ സാക്കിർ ഹുസൈന്റെ വേർപാടിനെത്തുടർന്ന് ആക്ടിങ് പ്രസിഡന്റായിരുന്നു.
∙ഫക്രുദ്ദീൻ അലി അഹമ്മദ് ( 24.08.1974– 11.02.1977)
∙ അധികാരത്തിലിരിക്കെ അന്തരിച്ച രണ്ടാമത്തെ രാഷ്ട്രപതി
∙ കേന്ദ്രമന്ത്രിയും അസമിൽ മന്ത്രിയുമായിരുന്നു.
∙ 1975ൽ അടിയന്തരാവസ്ഥ പ്രഖ്യാപിച്ച രാഷ്ട്രപതി.
∙നീലം സഞ്ജീവ റെഡ്ഡി ( 25.07.1977– 25.07.1982)
∙ എതിരില്ലാതെ തിരഞ്ഞെടുക്കപ്പെട്ട ഏക രാഷ്ട്രപതി.
∙ ലോക്സഭാ സ്പീക്കർ സ്ഥാനത്തുനിന്ന് രാഷ്ട്രപതിയായ ഏക വ്യക്തി.
∙ ദ്രൗപദി മുർമു കഴിഞ്ഞാൽ ഏറ്റവും കുറഞ്ഞ പ്രായത്തിൽ (64 വയസ്) രാഷ്ട്രപതിയായി.
∙ഗ്യാനി സെയിൽ സിങ് ( 25.07.1982– 25.07.1987 )
∙ പഞ്ചാബ് മുഖ്യമന്ത്രി, 1980ൽ ഇന്ദിരാഗാന്ധി മന്ത്രിസഭയിൽ ആഭ്യന്തരമന്ത്രി സ്ഥാനങ്ങൾ വഹിച്ചു.
∙ രാജീവ് ഗാന്ധി മന്ത്രിസഭ അംഗീകരിച്ച തപാൽ ബിൽ തിരികെ അയച്ചത് ഏറെ വിവാദം സൃഷ്ടിച്ചു.
∙ആർ.വെങ്കട്ടരാമൻ ( 25.07.1987– 25.07.1992)
∙ 1984 മുതൽ 87 വരെ ഉപരാഷ്ട്രപതി
∙ കേന്ദ്രമന്ത്രി, തമിഴ്നാട്ടിൽ മന്ത്രി പദവികൾ വഹിച്ചു.
∙ യുഎൻ അഡ്മിനിസ്ട്രേറ്റീവ് ട്രൈബ്യൂണൽ ചെയർമാനായി.
∙ മലയാളിയായ വി.ആർ.കൃഷ്ണയ്യരെയാണ് രാഷ്ട്രപതി തിരഞ്ഞെടുപ്പിൽ തോൽപിച്ചത്.
∙ ചൈന സന്ദർശിച്ച ആദ്യ രാഷ്ട്രപതി.
∙അദ്ദേഹം രചിച്ച ‘മൈ പ്രസിഡൻഷ്യൽ ഇയേഴ്സ്’ എന്ന പുസ്തകം ഏറെ ശ്രദ്ധിക്കപ്പെട്ടു.
∙ശങ്കർ ദയാൽ ശർമ (25.07.1992– 25.07.1997)
∙ 1987 മുതൽ 1992 വരെ ഉപരാഷ്ട്രപതി
∙ ഭോപാൽ സംസ്ഥാനത്ത് (പിൽക്കാലത്ത് മധ്യപ്രദേശ്) 1952 മുതൽ 4 വർഷം മുഖ്യമന്ത്രിയായിരുന്നു.
∙ വിവിധ കേന്ദ്രമന്ത്രിസഭകളിൽ വിദ്യാഭ്യാസം, നിയമം, വ്യവസായം തുടങ്ങിയ വകുപ്പുകൾ കൈകാര്യം ചെയ്തു.
∙ ആന്ധ്ര, പഞ്ചാബ്, മഹാരാഷ്ട്ര എന്നിവിടങ്ങളിൽ ഗവർണർ.
∙കെ.ആർ. നാരായണൻ (25.07.1997– 25.07.2002)
∙ ഉപരാഷ്ട്രപതി, രാഷ്ട്രപതി പദവികൾ വഹിച്ച ആദ്യ മലയാളി. കോട്ടയം ജില്ലയിലെ ഉഴവൂരിനടുത്താണു ജനനം.
∙ 1992 മുതൽ 1997 വരെ ഉപരാഷ്ട്രപതി.
∙ ദലിത് വിഭാഗത്തിൽനിന്ന് രാഷ്ട്രപതി പദവിയിലെത്തിയ ആദ്യ നേതാവ്
∙ അധ്യാപകൻ, പത്രപ്രവർത്തകൻ, നയതന്ത്രജ്ഞൻ, വൈസ് ചാൻസലർ എന്നീ നിലകളിലും പ്രവർത്തിച്ചു.
∙ വിദേശകാര്യ സർവീസ് ഉദ്യോഗസ്ഥനായിരുന്നു. കേന്ദ്രമന്ത്രി പദവിയും വഹിച്ചു.
∙ കെ.ആർ.നാരായണന്റെ ഭാര്യ ഉഷാ നാരായണനാണ് ഇന്ത്യയിൽ പ്രഥമ വനിതയായ ആദ്യ വിദേശവംശജ.
∙ഡോ. എ.പി.ജെ അബ്ദുൽ കലാം ( 25.07.2002– 25.07.2007)
∙ മികച്ച അധ്യാപകനും ശാസ്ത്രജ്ഞനും.
∙ ഇന്ത്യൻ മിസൈൽ പദ്ധതിയുടെ പിതാവെന്നറിയപ്പെടുന്നു. അഗ്നി, പൃഥ്വി തുടങ്ങിയ മിസൈലുകളുടെ മുഖ്യശിൽപി.
∙ ഡിആർഡിഒ ഡയറക്ടർ, ഇന്റഗ്രേറ്റഡ് മിസൈൽ ഡവലപ്മെന്റ് പ്രോജക്ട് തലവൻ, പ്രതിരോധമന്ത്രിയുടെ ശാസ്ത്ര ഉപദേഷ്ടാവ് എന്നീ നിലകളിലും പ്രവർത്തിച്ചു
∙ വിങ്സ് ഓഫ് ഫയർ, ദ് ലൈഫ് ട്രീ (കവിതകൾ) തുടങ്ങിയ ഗ്രന്ഥങ്ങളുടെ കർത്താവാണ്.
∙പ്രതിഭാ ദേവി സിങ് പാട്ടീൽ (25.07.2007– 25.07.2012)
∙രാജ്യത്തെ പ്രഥമ വനിതാ രാഷ്ട്രപതി
∙മഹാരാഷ്ട്ര മന്ത്രി, പ്രതിപക്ഷ നേതാവ്, രാജസ്ഥാൻ ഗവർണർ, രാജ്യസഭാ ഡപ്യൂട്ടി ചെയർപഴ്സൻ സ്ഥാനങ്ങൾ വഹിച്ചു.
∙മുൻ ഉപരാഷ്ട്രപതിയെ പരാജയപ്പെടുത്തി രാഷ്ട്രപതിയായ ഏക വ്യക്തി.
∙പ്രണബ് മുഖർജി(25.07.2012 -25.07.2017 )
∙ ഇന്ത്യയിലെ ഏറ്റവും പ്രായം കുറഞ്ഞ ധനമന്ത്രി (47).
∙ ഇന്ദിരാഗാന്ധി, നരസിംഹ റാവു, മൻമോഹൻ സിങ് മന്ത്രിസഭകളിൽ ധനം, വാണിജ്യം, പ്രതിരോധം, വിദേശകാര്യം പോലുള്ള പ്രധാന വകുപ്പുകൾ കൈകാര്യം ചെയ്തു.
∙ പ്രധാനമന്ത്രിയാകാതെ 8 വർഷം ലോക്സഭാ നേതാവ് സ്ഥാനം വഹിച്ചു.
∙റാംനാഥ് കോവിന്ദ് (25.07.2017 -25.07.2022)
∙ സുപ്രീം കോടതിയിലും ഹൈക്കോടതിയിലും അഭിഭാഷകനായിരുന്നു.
∙ രണ്ടു വട്ടം രാജ്യസഭാംഗം, പിന്നീട് ബിഹാർ ഗവർണർ
English Summary : List of presidents of India