കുഞ്ഞുങ്ങൾക്ക് അഞ്ചാംപനി കുത്തിവയ്പ് നിർബന്ധമോ?
Mail This Article
കൂടുതലായും കുട്ടികളെ ബാധിക്കുന്ന ഒരു വൈറസ് രോഗമാണ് അഞ്ചാംപനി (measles). സാധാരണഗതിയിൽ വൈറസ് ശരീരത്തിൽ കടന്നാൽ 10–12 ദിവസത്തിനുള്ളിൽ രോഗലക്ഷണങ്ങൾ തുടങ്ങും. പ്രധാനലക്ഷണം ശരീരത്തിൽ ചുവന്ന കുരുക്കൾ പൊങ്ങിവരുന്നതാണ്. ഇത് ഏകദേശം 5–7 ദിവസം വരെ നീണ്ടു നിൽക്കും. ഇവ ആദ്യം തലയിലും മുഖത്തു കഴുത്തിലും പിന്നീടു മറ്റു ശരീരഭാഗങ്ങളിലും കാണപ്പെടുന്നു.
ചുമയും പനിയും മൂക്കൊലിപ്പും, കണ്ണു ചുവക്കൽ, തൊണ്ടവേദന, വായയുടെ അകത്തു വെളുത്ത ഒരുപാട് എന്നിവയുണ്ടാകും. വായുവിലൂടെയാണ് ഈ രോഗം പകരുന്നത്.
വാക്സിനേഷൻ വഴി ഈ രോഗം വരുന്നത് തടയാൻ സാധിക്കും. കുട്ടികൾക്കു പതിവായി എടുക്കുന്ന കുത്തിവയ്പുകളുടെ കൂട്ടത്തിൽ അഞ്ചാംപനിക്കുള്ളതു കൂടി ഉൾപ്പെടുത്തിയിട്ടുണ്ട്. അതിനാൽ നിങ്ങളുടെ കുഞ്ഞിന് സർക്കാർ നിർദേശിച്ചിട്ടുള്ള എല്ലാ വാക്സിനുകളും എടുക്കണം. രോഗം പകർന്നിട്ടുണ്ടെന്നു സംശയമുള്ളവർ ഡോക്ടറുടെ നിർദേശപ്രകാരം ചികിത്സയെടുക്കണം. കുട്ടികളെയാണ് ഈ രോഗം കൂടുതലായി ബാധിക്കാറുള്ളതെങ്കിലും മുതിർന്നവരിലും കാണാറുണ്ട്.
Content Summary : Why should children be vaccinated against measles?