മെട്രോപ്പൊലിറ്റൻ എച്ച്എസ്എസ് ജൂബിലി; വിളംബര ജാഥ നാളെ

ചെങ്ങന്നൂർ ∙ പുത്തൻകാവ് മെട്രോപ്പൊലിറ്റൻ ഹയർ സെക്കൻഡറി സ്കൂൾ പ്ലാറ്റിനം ജൂബിലി ആഘോഷങ്ങൾക്കു മുന്നോടിയായി നാളെ  3നു ബഥേൽ ജംക്‌ഷനിൽ നിന്നു പുത്തൻകാവിലേക്ക് പ്ലാറ്റിനം ജൂബിലി വിളംബര ജാഥ നടത്തും. എൻസിസി, എസ്പിസി കെഡറ്റുകൾ, വിദ്യാർഥികൾ, അധ്യാപകർ എന്നിവർ പങ്കെടുക്കുന്ന  ജാഥ ചെങ്ങന്നൂർ ഡിവൈഎസ്പി: എം.കെ. ബിനു കുമാർ  ഫ്ലാഗ് ഓഫ് ചെയ്യും.  പുത്തൻകാവിൽ ഗീവർഗീസ് മാർ പീലക്സിനോസ്, 1948 ജൂലൈ 1 ന് സ്ഥാപിച്ച സ്കൂളിന്റെ ജൂബിലി ആഘോഷങ്ങൾ 25നു  4 നു  പുത്തൻകാവ് സെന്റ് മേരീസ് കത്തീഡ്രൽ ഓഡിറ്റോറിയത്തിൽ ഗവർണർ ആരിഫ് മുഹമ്മദ് ഖാൻ ഉദ്ഘാടനം ചെയ്യും. പരിശുദ്ധ ബസേലിയോസ് മാർത്തോമ്മ മാത്യൂസ് തൃതീയൻ കാതോലിക്കാ ബാവാ അധ്യക്ഷത വഹിക്കും.