ആലപ്പുഴ ജില്ലയിൽ ഇന്ന് (01-12-2023); അറിയാൻ, ഓർക്കാൻ

വൈദ്യുതി മുടക്കം
കുട്ടനാട് ∙ മങ്കൊമ്പ് ഇലക്ട്രിക്കൽ സെക്‌ഷനിലെ കട്ടക്കുഴി കലുങ്ക്, പോളിത്തീൻ, തെക്കേക്കര കുരിശടി, 450ന്റെ തറ, 4000 വെസ്റ്റ്, സത്യവാൻമൂല, തേവർകാട്, 4000 ഈസ്റ്റ്‌ എന്നീ ട്രാൻസ്ഫോമർ പരിധിയിൽ ഇന്ന് 9 മുതൽ 5.30 വരെ വൈദ്യുതി മുടങ്ങും.
തുറവൂർ∙ കുത്തിയതോട് വൈദ്യുതി സെക്‌ഷൻ കീഴിലെ വളമംഗലം സൗത്ത്, പുളിത്രകടവ്, എസ്എൻജിഎം കോളജ് എന്നീ സ്ഥലങ്ങളിൽ ഇന്ന് രാവിലെ 8.30 മുതൽ വൈകിട്ട് 5 വരെ വൈദ്യുതി മുടങ്ങും.
മുഹമ്മ ∙ കൈരളി, കുന്നുംപുറം ട്രാൻസ്ഫോമറുകളുടെ പരിധിയിൽ ഇന്ന് രാവിലെ 9 മുതൽ വൈകിട്ട് 6 വരെയും സംസ്കൃതം സ്കൂൾ ട്രാൻസ്ഫോമർ പരിധിയിൽ രാവിലെ 9 മുതൽ ഉച്ചകഴിഞ്ഞ് 2 വരെയും പാലക്കൽ ട്രാൻസ്ഫോമർ പരിധിയിൽ ഉച്ചകഴിഞ്ഞ് 2 മുതൽ വൈകിട്ട് 6 വരെയും വൈദ്യുതി മുടങ്ങും.
അമ്പലപ്പുഴ  ∙ നീർക്കുന്നം കവല ട്രാൻസ്ഫോമർ പരിധിയിൽ  ഇന്ന് 9 മുതൽ 5.30 വരെ വൈദ്യുതി മുടങ്ങും.
പുന്നപ്ര ∙ കപ്പക്കട, ഹൂണ്ടായി, അസംബ്ലി എന്നീ ട്രാൻസ്ഫോമർ പരിധിയിൽ ഇന്ന് 9 മുതൽ 5.30 വരെ വൈദ്യുതി  മുടങ്ങും.
ആലപ്പുഴ ∙ പാതിരപ്പള്ളി സെക്‌ഷനിൽ നെഹ്റു, വള്ളാപ്പാടി, മറ്റത്തിൽ, പാതിരപ്പള്ളി ബണ്ട് എന്നിവിടങ്ങളിൽ ഇന്ന് പകൽ വൈദ്യുതി  മുടങ്ങും.

റെയിൽവേ ഗേറ്റ് അടച്ചിടും
ആലപ്പുഴ ∙ ചേർത്തല - മാരാരിക്കുളം റെയിൽവേ സ്റ്റേഷനുകൾക്കിടയിലുള്ള ലെവൽ ക്രോസ് നമ്പർ 41 (തിരുവിഴ നോർത്ത്) ഇന്ന് രാവിലെ 8 മുതൽ നാളെ വൈകിട്ട് 6 വരെ അറ്റകുറ്റപ്പണികൾക്കായി അടച്ചിടും. വാഹനങ്ങൾ ലെവൽ ക്രോസ് നമ്പർ 42 (തിരുവിഴ ക്ഷേത്രം ഗേറ്റ്) വഴി പോകണം.

ഡോക്ടറുടെ ഒഴിവ്
കുട്ടനാട് ∙ ചമ്പക്കുളം സാമൂഹികാരോഗ്യ കേന്ദ്രത്തിലെ ഉച്ചയ്ക്കുശേഷമുള്ള ഒപിയിലേക്കു (1 മുതൽ 7 വരെ) പരിചയ സമ്പന്നരായ ഡോക്ടറെ ആവശ്യമുണ്ട്. എൻആർഎച്ച്എം നിർദേശിച്ചിട്ടുള്ള വേതനം നൽകും. എംബിബിഎസും ടിസിഎംസി റജിസ്ട്രേഷനുമുള്ള ഉദ്യോഗാർഥികൾ 5ന് വൈകിട്ട് 5 വരെ ചമ്പക്കുളം ബ്ലോക്ക് പഞ്ചായത്ത് ഓഫിസിൽ നേരിട്ടോ തപാൽ വഴിയോ അപേക്ഷ സമർപ്പിക്കണം. 0477–2702294.

കുളമ്പുരോഗ പ്രതിരോധ കുത്തിവയ്പ്  ഇന്നു മുതൽ
ആലപ്പുഴ ∙ ദേശീയ ജന്തുരോഗ നിയന്ത്രണ പദ്ധതിയിൽ നാലാംഘട്ട കുളമ്പുരോഗ പ്രതിരോധ കുത്തിവയ്പ് ഇന്നു മുതൽ 27 വരെ നടത്തും. ജില്ലാതല ഉദ്ഘാടനം ഇന്നു രാവിലെ 10.30ന് അമ്പലപ്പുഴ തെക്ക് പഞ്ചായത്തിൽ ജില്ലാ പഞ്ചായത്ത് പ്രസിഡന്റ് കെ.ജി.രാജേശ്വരി നിർവഹിക്കും. ഈ ദിവസങ്ങളിൽ മൃഗസംരക്ഷണ വകുപ്പ് ഉദ്യോഗസ്ഥർ വീടുകളിലെത്തി ഉരുക്കൾക്കു സൗജന്യ വാക്സിനേഷൻ നൽകും. 4 മാസത്തിൽ താഴെ പ്രായമുള്ള കിടാക്കളും അവസാന ത്രൈമാസ ഗർഭാവസ്ഥയിലുള്ളവയും രോഗം ബാധിച്ചവയും ഒഴികെയുള്ള പശു, എരുമ എന്നിവയ്ക്കാണു വാക്സീൻ നൽകുന്നത്. നിയമപ്രകാരം കുളമ്പുരോഗ പ്രതിരോധ കുത്തിവയ്പ് എടുക്കാതിരിക്കുന്നത് ശിക്ഷാർഹമാണ്.

ഒഴിവുകൾ
ചെന്നിത്തല ∙ തൃപ്പെരുന്തുറ പഞ്ചായത്തിലേക്ക് പ്രോജക്ട് അസിസ്റ്റൻറ് തസ്തികയിൽ കരാറടിസ്ഥാനത്തിൽ നിയമനത്തിനു 18നും 30നും ഇടയിലുള്ളവർ (എസ്‌സി, എസ്ടി വിഭാഗക്കാർക്ക് 3 വർഷത്തെ ഇളവുണ്ട്) ബയോഡേറ്റ, സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പു സഹിതം 14ന് 5ന് മുൻപായി പഞ്ചായത്ത് ഓഫിസിൽ അപേക്ഷ സമർപ്പിക്കണം. വിവരങ്ങൾ www.lsgkerala.gov.in എന്ന സൈറ്റിൽ ലഭ്യമാണ്.

സെമിനാറും ആദരിക്കലും 3ന്
ചാരുംമൂട്∙ കെപിസിസി വിചാർ വിഭാഗ് മാവേലിക്കര നിയോജകമണ്ഡലം കമ്മിറ്റിയുടെ നേതൃത്വത്തിൽ സെമിനാർ, സമ്മേളനങ്ങൾ, പ്രതിഭകളെ ആദരിക്കൽ എന്നിവ 3ന് വൈകിട്ട് 3.00 മുതൽ ചാരുംമൂട് കോൺഗ്രസ് ഭവനിൽ  കെപിസിസി ജനറൽ സെക്രട്ടറി കെ.പി.ശ്രീകുമാർ  ഉദ്ഘാടനം ചെയ്യും