മന്ത്രി സജി ചെറിയാൻ സഞ്ചരിച്ച കാര്‍ അപകടത്തിൽപെട്ടു; ഇടിച്ച കാർ ടിപ്പറിലും ഇടിച്ചു

ആലപ്പുഴ ∙ മന്ത്രി സജി ചെറിയാൻ സഞ്ചരിച്ച കാര്‍ അപകടത്തിൽപ്പെട്ടു. കായംകുളത്ത് വച്ചാണ് അപകടമുണ്ടായത്. മന്ത്രി സഞ്ചരിച്ച കാറും മറ്റൊരു കാറും കൂട്ടിയിടിക്കുകയായിരുന്നു. രണ്ടാമത്തെ കാർ ഇതുവഴി വന്ന ടിപ്പര്‍ ലോറിയിലും ഇടിച്ചു. അപകടത്തിൽ ആർക്കും പരുക്കില്ല. അതേസമയം മൂന്നു വാഹനങ്ങൾക്കും കേടുപാടുണ്ടായി.

മന്ത്രി സമൂഹമാധ്യമത്തിൽ അറിയിച്ചത്
ഞാൻ സഞ്ചരിച്ച കാർ കായംകുളത്ത് വച്ച് അപകടത്തിൽ പെട്ട വാർത്തയെത്തുടർന്ന് ഒട്ടേറെ പേരാണ് വിളിച്ചു തിരക്കുന്നത്. അപകടത്തിൽ ഞാനുൾപ്പെടെ വാഹനങ്ങളിലുണ്ടായിരുന്ന ആർക്കും സാരമായ പരിക്കില്ല. ഏവരുടെയും സ്നേഹത്തിനും കരുതലിനും നന്ദി.