കളംനിറഞ്ഞ് മുന്നണികൾ

റോഡ് ഷോ നടത്തി യുഡിഎഫ്
കാസർകോട്∙യുഡിഎഫ് സ്ഥാനാർഥി  രാജ്മോഹൻ ഉണ്ണിത്താന്റെ  കാസർകോട് നിയോജകമണ്ഡലത്തിലെ പര്യടനത്തിന്റെ ഭാഗമായി വിവിധയിടങ്ങളിൽ റോഡ് ഷോ നടത്തി. മുള്ളേരിയ, മാർപ്പിനടുക്ക, ബദിയടുക്ക, നെല്ലിക്കട്ട, ചെർക്കള, നായന്മാർമൂല, ഉളിയത്തടുക്ക,  എന്നിവിടങ്ങളിൽ സ്ഥാനാർഥിയുടെ റോഡ് ഷോയ്ക്ക് ശേഷം  പര്യടനം മൊഗ്രാൽ പുത്തൂർ അവസാനിച്ചു.

യുഡിഎഫ് നേതാക്കളായ  കല്ലട്ര മാഹിൻ ഹാജി, സി.ടി. അഹമ്മദലി, എൻ.എ.നെല്ലിക്കുന്ന് എംഎൽ എ, കെ.നീലകണ്ഠൻ, എ. അബ്ദുറഹ്മാൻ, ഹക്കീം കുന്നിൽ, മുനീർ ഹാജി,  മാഹിൻ കേളോട്ട്, കെ.ഖാലിദ്, കരുൺ താപ്പ,  എം. കുഞ്ഞമ്പു നമ്പ്യാർ,എ. ഗോവിന്ദൻ നായർ, സി.വി. ജെയിംസ്,അബ്ദുല്ല കുഞ്ഞി ചെർക്കള, അഷ്റഫ് എടനീർ, വി.ഗോപകുമാർ എന്നിവർ വിവിധ പ്രാദേശങ്ങളിൽ സ്ഥാനാർഥിയുടെ കൂടെയുണ്ടായിരുന്നു.

എം.വി.ബാലകൃഷ്ണൻ പര്യടനം നടത്തി
കുറ്റിക്കോൽ ∙എൽഡിഎഫ് സ്ഥാനാർഥി  എം.വി.ബാലകൃഷ്ണൻ  ഉദുമ മണ്ഡലത്തിൽ പര്യടനം നടത്തി.വിവിധയിടങ്ങളിൽതൊഴിലുറപ്പ് തൊഴിലാളികളെ കണ്ടു. ക്ഷേത്രങ്ങളിലും പള്ളികളിലും സന്ദർശനം നടത്തി. കടുവനത്തൊട്ടി ഊരിൽ നിന്നായിരുന്നു തുടക്കം.  അഞ്ചാം മെയിൽ, കല്ലടക്കുറ്റി പള്ളി, മരുതടുക്കം പള്ളി, കുണ്ടംകുഴി ക്ഷേത്രം, അമ്മംകല്ല്, കൈരളിപ്പാറ, അമ്പിലാടി, അടുക്കത്തമ്പലം, കാനത്തിൽ, വേലക്കുന്ന് ക്ഷേത്രം, കാമലം തറവാട്, തോർക്കുളം പള്ളി, പുളിക്കുന്ന്, പള്ളത്തിങ്കാൽ, കരിവേടകം ദുർഗാ പരമേശ്വരി ക്ഷേത്രം, കരിവേടകം പള്ളി, കൊല്ലംപണ (കരിവേടകം) ഊര്, പടുപ്പ് പള്ളി, ഏണിയാടി പള്ളി, വീട്ടിയാടി പള്ളി, മാണിമൂല പള്ളി, കുറ്റിക്കോൽ സ്‌കൂൾ, ബേഡകം ഫാർമേഴ്‌സ് ബാങ്ക് എന്നിവിടങ്ങളിൽ  പര്യടനം നടത്തി.

എം.എൽ.അശ്വിനി ഇന്ന് ട്രെയിനിൽ
കാസർകോട്∙എൻഡിഎ സ്ഥാനാർഥി എം.എൽ.അശ്വിനി  വോട്ട് തേടി ഇന്നു രാവിലെ 8ന് പയ്യന്നൂർ നിന്നു മഞ്ചേശ്വരത്തേക്കുള്ള  ട്രെയിനിൽ യാത്ര ചെയ്യും. തുടർന്ന് വിവിധ വിദ്യാലയങ്ങൾ സന്ദർശിച്ച് പക്ഷികൾക്ക് ശുദ്ധജലം നൽകാനുള്ള മൺകലങ്ങളുടെ വിതരണം നടത്തും. രാവിലെ 9.30ന് കുഞ്ചത്തൂരിലെ മഹാലിംഗേശ്വര പാഠശാല തുടങ്ങി വിവിധയിടങ്ങളിലെ പര്യടനത്തിനു ശേഷം  വൈകിട്ട് 4.30 വരെ എടനീർ സ്വാമിജീസ് ഹയർ സെക്കൻഡറി സ്കൂളിലെത്തും.