വോട്ടുതേടി, നാടാകെ; ലോക്സഭാ തിരഞ്ഞെടുപ്പ് പ്രചാരണം ഊർജിതമാക്കി മുന്നണികൾ

യുഡിഎഫ്
കാസർകോട്∙യുഡിഎഫ് സ്ഥാനാർഥി രാജ്മോഹൻ ഉണ്ണിത്താൻ കല്ല്യാശേരി മണ്ഡലത്തിൽ പര്യടനം നടത്തി. കുഞ്ഞിമംഗലം അങ്ങാടി ചെമ്മട്ടില്ല ജുമാമസ്ജിദിൽ നിന്നായിരുന്ന പര്യടനം തുടങ്ങിയത്. മാടായി, പഴയങ്ങാടി ടൗൺ, മണ്ടൂർ എന്നിവിടങ്ങളിലെത്തി. പിലാത്തറ ബദർ ജുമാ മസ്ജിദിലും മാടായി ജുമാ മസ്ജിദിലും ജുമാ നിസ്‌കാരത്തിനെത്തിയ വിശ്വാസികളെ നേരിൽ കണ്ടു. ആലക്കാട് വലിയ പള്ളിയിലെ ഇഫ്ത്താർ സംഗമത്തിൽ സംബന്ധിച്ചു. പറവൂരിലെ പര്യടനത്തിന് ശേഷം പാണപ്പുഴയിൽ സമാപിച്ചു.      

എൽഡിഎഫ് 
കാസർകോട്∙എൽഡിഎഫ് സ്ഥാനാർഥി എം.വി.ബാലകൃഷ്ണൻ തൃക്കരിപ്പൂർ മണ്ഡലത്തിൽ പര്യടനം നടത്തി. തുടർന്നു പൗരത്വ ഭേദഗതി നിയമത്തിനെതിരെ തൃക്കരിപ്പൂരിൽ നടത്തിയ റാലിയിലും സ്ഥാനാർഥി പങ്കെടുത്തു.നീലേശ്വരം, ചെറുവത്തൂർ എന്നിവിടങ്ങളിലെ വിവിധ പ്രദേശങ്ങളിലെത്തി വോട്ടർമാരെ നേരിൽ കണ്ടു വോട്ട് അഭ്യർഥിച്ചു. 

എൻഡിഎ 
കാസർകോ‍ട്∙എൻഡിഎ സ്ഥാനാർഥി എം.എൽ അശ്വിനി പയ്യന്നൂർ മണ്ഡലത്തിൽ പര്യടനം നടത്തി.കാങ്കോലിൽ നിന്നാരംഭിച്ച്  കങ്കോൽ ടൗൺ, മാത്തിൽ ടൗൺ, മാതമംഗലം ടൗൺ, മാതമംഗലം ആശുപത്രി, മാത്തിൽ ടൗൺ, മാത്തിൽ ഗുരുദേവ് ആർട്സ് ആൻഡ്  സയൻസ് കോളജ്, മാതമംഗലം, പെരിങ്ങോം, പാടിയോട്ടുചാൽ, പട്ടുവം, പ്രാപ്പോയിൽ, ഗോക്കടവ് ക്ഷേത്രം, തിരുമേനി, താബോർ, രാജഗിരി, പുളിങ്ങോം, ചെറുപുഴ സെബാസ്റ്റ്യൻ ഹോസ്പിറ്റൽ എന്നിവിടങ്ങളിലെത്തി വോട്ട് അഭ്യർഥിച്ചു.