തെരുവുനായ വന്ധ്യംകരണ കേന്ദ്രം പ്രവർത്തന സജ്ജം

ബാലുശ്ശേരി ∙ വട്ടോളി ബസാറിൽ നിർമിച്ച തെരുവുനായ വന്ധ്യംകരണ കേന്ദ്രം (എബിസി) പ്രവർത്തന സജ്ജമായി. അടുത്ത ഒന്നിന് തെരുവ് നായ്ക്കളുടെ വന്ധ്യംകരണം ആരംഭിക്കും. സെന്ററിന്റെ ഉദ്ഘാടനം പിന്നീട് നിർവഹിക്കും. 4 വെറ്ററിനറി സർജൻമാരെയും അനുബന്ധ ജീവനക്കാരെയും കരാർ അടിസ്ഥാനത്തിൽ നിയമിച്ചിട്ടുണ്ട്. ഒരു ദിവസം 20 തെരുവ്നായ്ക്കളെ വന്ധ്യംകരിക്കാനുള്ള സൗകര്യമുണ്ട്. ജില്ലാ പഞ്ചായത്തിന്റെ മാതൃകാ പദ്ധതിയാണിത്.