താമരശ്ശേരി ചുരത്തിലെ ഓവുചാലിൽ കെഎസ്ആർടിസി കുടുങ്ങി; ഗതാഗതക്കുരുക്ക്

വൈത്തിരി∙ താമരശ്ശേരി ചുരത്തിലെ എട്ടാം വളവിൽ കെഎസ്ആർടിസി ബസ് കുടുങ്ങിയതിനെ തുടർന്ന് ഏറെ നേരം വൻ ഗതാഗതക്കുരുക്ക് രൂപപ്പെട്ടു. ബെംഗളൂരുവിൽനിന്ന് വരികയായിരുന്ന കെഎസ്ആർടിസി ഐരാവത് ബസ് റോഡരികിലുള്ള ഓവുചാലിലേക്ക് ഇറങ്ങിപ്പോകുകയായിരുന്നു. വാഹനങ്ങൾ വൺവെയായി കടന്നു പോകുന്നുണ്ടെങ്കിലും ഗതാഗതക്കുരുക്ക് നേരിടുന്നുണ്ട്. ഹൈവെ പൊലീസും ചുരം സംരക്ഷണ സമിതി പ്രവർത്തകരും സ്ഥലത്തുണ്ട്. രാവിലെ ആറെ കാലിനാണ് ബസ് കുടുങ്ങിയത്. ബസ് ഇവിടെ നിന്നു മാറ്റണമെങ്കിൽ ക്രെയിൻ കൊണ്ടുവരണം.