മലയോര ഹൈവേ നിർമാണം കാളികാവില‌ും ഇഴയ‌ുന്ന‌ു
Mail This Article
കാളികാവ് ∙ മലയോര ഹൈവേ നിര്‍മാണം ഇഴയ‌ുന്ന‌ു. കാളികാവ് കരുവാരകുണ്ട് റീച്ചിലെ 10 കിലോമീറ്റര്‍ കഴിഞ്ഞ സെപ്‌റ്റംബറില്‍ പ‌ൂര്‍ത്തിയാക്കേണ്ടതായിര‌ുന്ന‌ു. മാര്‍ച്ച് വരെ നീട്ടി നല്‍കിയിട്ട‌ുണ്ടെങ്കില‌ും നിര്‍മാണം പക‌ുതി പോല‌ും ആയിട്ടില്ല. അഴ‌ുക്ക്‌ചാല്‍ നിര്‍മാണം തുടങ്ങി 4 മാസമായിട്ടും ഒര‌ു കിലോമീറ്റർ പോല‌ും പ‌ൂര്‍ത്തിയാക്കിയിട്ടില്ല.
ചെത്ത്കടവ് മ‌ുതല്‍ അരിമണല്‍വരെയ‌ുളള വൈദ്യ‌ുതക്കാല‌ുകള‌ും പ‌ൂര്‍ണ്ണമായി മാറ്റിയിട്ടില്ല. വേനല്‍കാലത്ത് പോല‌ും ശക്തമായ മഴ പെയ്യ‌ുന്ന ഈ പ്രദേശത്ത് മലയോര ഹൈവേയ‌ുടെ നിർമാണത്തിലെ മെല്ലെപ്പോക്ക് പ്രതിഷേധത്തിനിടയാക്കിയിട്ട‌ുണ്ട്. വീതിയ‌ുള്ളിടത്ത‌ും വളവ‌ുകളില‌ും നട‌ുറോഡില‌ൂടെ അഴ‌ുക്ക്‌ചാല്‍ നിര്‍മിച്ചത‌ും പ്രതിഷേധത്തിനിടയാക്കിയിര‌ുന്ന‌ു. കരുവാരകുണ്ട് ഭാഗത്ത് നാട്ട‌ുകാര‌ുടെ പ്രതിഷേധത്തെ ത‌ുടര്‍ന്ന് ടാറിങ് ജോലി ത‌ുടങ്ങിയിട്ട‌ുണ്ട്.
