വീട്ടുമുറ്റത്തെ കിണറ്റിലെ വെള്ളത്തിനു പാൽനിറം; കാരണം അവ്യക്തം

മൊറയൂർ ∙ വീട്ടുമുറ്റത്തെ കിണറ്റിലെ വെള്ളത്തിനു പാൽനിറം. ആരോഗ്യ വകുപ്പ് അധികൃതരെത്തി പരിശോധിച്ചെങ്കിലും കാരണം കണ്ടെത്തിയിട്ടില്ല. വ്യക്തത വരുത്താൻ അടുത്ത ദിവസങ്ങളിൽ കൂടുതൽ പരിശോധന നടത്തുമെന്ന് ആരോഗ്യവകുപ്പ് ഉദ്യോഗസ്ഥർ അറിയിച്ചു. അരിമ്പ്ര പാലത്തിങ്ങലിനു സമീപത്തെ കെ.റംഷിദിന്റെ വീട്ടിലെ കിണറ്റിലെ ജലത്തിനാണു പാൽനിറം കണ്ടെത്തിയത്. മാത്രമല്ല, ജലനിരപ്പ് ഉയർന്നിട്ടുമുണ്ട്. പാൽനിറം കലർന്ന വെള്ളമാണ് ഉറവയായി കിണറ്റിലെത്തുന്നത്.