കുളിര് കൂട്ടി മഴ; മെച്ചപ്പെട്ട് വായുനില

ന്യൂഡൽഹി ∙ മഴയിൽ തണുത്ത് നഗരം.  ഇന്നലെ രാവിലെ മുതൽ പെയ്തു തുടങ്ങിയ ചാറ്റൽ മഴ രാത്രി വൈകിയും പലയിടത്തും തുടർന്നു.   ഇതേത്തുടർന്നു കുറഞ്ഞ താപനില 6.5 ഡിഗ്രിയായി. ഉയർന്ന താപനില 17 ഡിഗ്രിയാണ്. ശനിയാഴ്ച നഗരത്തിൽ കുറഞ്ഞ താപനില 6.1 ഡിഗ്രിയും  കൂടിയ താപനില 23.8 ഡിഗ്രിയുമായിരുന്നു. മഴയെ തുടർന്നു നഗരത്തിലെ വായുനില ഭേദപ്പെട്ട അവസ്ഥയിലെത്തി. ഇന്നലെ വായുനിലവാര സൂചിക (എക്യുഐ) 197 ആണു രേഖപ്പെടുത്തിയത്.  കഴിഞ്ഞ രണ്ടു ദിവസം മോശം അവസ്ഥയിലായിരുന്നു വായുനില.