മധ്യവയസ്കയെ ആക്രമിച്ച് പണവും മൊബൈൽ ഫോണും കവർന്ന കേസിൽ പ്രതി പിടിയിൽ

കോട്ടയം ∙ മധ്യവയസ്കയെ ആക്രമിച്ച് പണവും മൊബൈൽ ഫോണും കവർന്ന കേസിൽ പത്തനംതിട്ട വയ്യാറ്റുപുഴ മണ്ണുങ്കൽ എസ്.അജയ് ഈസ്റ്റ് പൊലീസിന്റെ പിടിയിലായി. ചൊവ്വാഴ്ച രാവിലെ 9ന് നാഗമ്പടം ബസ് സ്റ്റാൻഡിനു സമീപത്തെ പള്ളിയുടെ മുൻഭാഗത്താണ് സംഭവം. മെഴുകുതിരി കച്ചവടം ചെയ്തിരുന്ന മധ്യവയസ്കയെ ആക്രമിച്ച് മൊബൈൽ ഫോണും പണവും അടങ്ങിയ ബാഗ് തട്ടിയെടുത്ത് പ്രതി കടന്നുകളയുകയായിരുന്നുവെന്നു പൊലീസ് പറഞ്ഞു. എസ്എച്ച്ഒ പി.എസ്.ഷിജുവിന്റെ നേതൃത്വത്തിലാണ് അറസ്റ്റ്.