തിരുവനന്തപുരം ജില്ലയിൽ ഇന്ന് (27-03-2024); അറിയാൻ, ഓർക്കാൻ
Mail This Article
ഇന്ന്:കനത്ത ചൂടിനെത്തുടർന്ന് തൃശൂർ, കൊല്ലം, പത്തനംതിട്ട, പാലക്കാട്, കോട്ടയം, എറണാകുളം, കോഴിക്കോട്, കണ്ണൂർ, ആലപ്പുഴ, മലപ്പുറം, കാസർകോട് ജില്ലകളിൽ യെലോ അലർട്ട് പ്രഖ്യാപിച്ചു.
കുട്ടികളുടെ ക്യാംപ്
കല്ലമ്പലം∙അയിരൂർ ഗവ.യുപി സ്കൂളിൽ 4 -ാം ക്ലാസിലെ കുട്ടികൾക്കായി തണലോരം എന്ന പേരിൽ അവധിക്കാല ക്യാംപ് സംഘടിപ്പിക്കുന്നു. ഏപ്രിൽ 1,2,3,4 തീയതികളിലാണ് ക്യാംപ്. പങ്കെടുക്കാൻ താൽപര്യമുള്ളവർ 9645763845,9633170059 എന്നീ നമ്പറിൽ ബന്ധപ്പെടുക.
വ്യാജ വാർത്ത
കല്ലമ്പലം∙മണമ്പൂർ ആർട്ടിസ്റ്റ് രാജാ രവിവർമ ഗ്രന്ഥ ശാലയുടെ പുതിയ ഭാരവാഹികളെ തിരഞ്ഞെടുത്തെന്ന വാർത്ത ശരിയല്ലെന്നു ഭാരവാഹികൾ അറിയിച്ചു. ഇതു സംബന്ധിച്ച പരാതി ലൈബ്രറി കൗൺസിൽ സെക്രട്ടറിക്ക് നൽകിയതായി സെക്രട്ടറി വി.ശിവൻപിള്ള, ജി.പ്രഫുല്ല ചന്ദ്രൻ, ടി.സുദർശനൻ,എൽ.മണിലാൽ എന്നിവർ അറിയിച്ചു.
പിൻവലിച്ചു
ചെറുന്നിയൂർ∙ സർവീസ് സഹകരണ ബാങ്ക് തിരഞ്ഞെടുപ്പിൽ വിമതരായി മത്സരിച്ചഎം.ഐ.നാസറുള്ള, എം.മനോഹരൻ എന്നിവർക്കെതിരെ കൈകൊണ്ട അച്ചടക്ക നടപടി പിൻവലിച്ചതായി ഡിസിസി പ്രസിഡന്റ് അറിയിച്ചു.
ടെക്‌നിക്കൽ ഹൈസ്‌കൂൾ എട്ടാം ക്ലാസ് പ്രവേശനം
തിരുവനന്തപുരം∙ നെടുമങ്ങാട് സർക്കാർ ടെക്‌നിക്കൽ ഹൈസ്‌കൂളിൽ എട്ടാം ക്ലാസ് പ്രവേശനത്തിന് www.polyadmission.org/ths എന്ന ലിങ്ക് വഴി ഏപ്രിൽ 3 വരെ ഓൺലൈനായി അപേക്ഷിക്കാം. ഫോൺ: 7907788350, 9037183080, 9400006460.
