വന ഭൂമിയിൽ നിന്ന് മരം മുറിച്ചു കടത്തിയ ആൾ റിമാൻഡിൽ

തിരുവില്വാമല  മലേശമംഗലം നിക്ഷിപ്ത വനഭൂമിയിൽ നിന്ന് മരങ്ങൾ മുറിച്ചു കടത്തിയ തെരുവത്ത് അഹമ്മദിനെ (63) റിമാൻഡ് ചെയ്തു. 18 തേക്കും 2 വലിയ ശീമക്കൊന്നയുമാണ്  2 ആഴ്ച കൊണ്ടു മുറിച്ചു കടത്തിയത്. മരം മുറിക്കാനുപയോഗിച്ച ആയുധങ്ങളും കടത്തിയ ജീപ്പും മരങ്ങളും മായന്നൂർ ഫോറസ്റ്റ്  സ്റ്റേഷനിലെ വനപാലകർ കണ്ടെത്തി. 50000 രൂപ വിലമതിക്കുന്ന മരങ്ങളാണ് ഇയാൾ മുറിച്ചു കടത്തിയത്. ഇവയിലേറെയും വെട്ടിപ്പൊളിച്ചു വിറകാക്കിയിരുന്നു.