ക്രിസ്മസ് - പുതുവത്സരം: ജില്ലയിൽ എക്സൈസ് കൺട്രോൾ റൂം തുറന്നു

കൽപറ്റ ∙ ക്രിസ്മസ് - പുതുവത്സര ആഘോഷങ്ങളോടനുബന്ധിച്ച്  അബ്കാരി /എൻഡിപിഎസ് മേഖലയിൽ ഉണ്ടാകാനിടയുള്ള കുറ്റകൃത്യങ്ങൾ തടയുന്നതിന്  ജില്ലയിൽ എക്സൈസ് കൺട്രോൾ റൂം തുറന്നു. കൽപറ്റയിൽ വയനാട് എക്സൈസ് ഡിവിഷൻ ഓഫിസ് കേന്ദ്രമായാണ് 24 മണിക്കൂറും പ്രവർത്തിക്കുന്ന കൺട്രോൾ റൂം . അബ്കാരി/ എൻഡിപിഎസ് എന്നിവയുമായി ബന്ധപ്പെട്ട ഉൽപാദനം, വിൽപന, കടത്ത് എന്നിവ സംബന്ധിച്ചുള്ള പരാതികളും, കൃത്യമായ വിവരങ്ങളും പൊതുജനങ്ങൾക്കും, സന്നദ്ധ സംഘടനകൾക്കും കൺട്രോൾ റൂമിലെ 04936-288215 എന്ന നമ്പറിലും, ടോൾഫ്രീ നമ്പറായ 1800 425 2848 ലും വിളിച്ചറിയിക്കാം.  ജില്ലയിലെ എക്സൈസ് ഓഫിസുകളിലും പരാതികൾ അറിയിക്കാം. 
കൽപറ്റ - 04936 288215, 04936 208230, 04936 202219, മാനന്തവാടി- 04935- 293923, 240012,  ബത്തേരി - 04936 227227,248190. സ്പെഷൽ സ്‌ക്വാഡ്, മീനങ്ങാടി - 04936 246180.