കാട്ടുപന്നിയുടെ ആക്രമണത്തിൽ പരുക്ക്
Mail This Article
×
പനമരം ∙ പയ്യമ്പള്ളി - പാക്കം - പുൽപള്ളി റോഡിൽ കാട്ടുപന്നിയുടെ ആക്രമണത്തിൽ ബൈക്ക് മറിഞ്ഞു; ബൈക്ക് യാത്രക്കാരനായ യുവാവിനു പരുക്കേറ്റു. പാക്കം മണ്ടാനത്ത് ബിനോയ്ക്ക് (44) ആണു പരുക്കേറ്റത്. ഇന്നലെ രാവിലെ ഏഴരയോടെയാണ് അപകടം.
പാക്കത്തെ വീട്ടിൽ നിന്നു പുൽപള്ളി ടൗണിലേക്കു പോകുന്നതിനിടെ ആലൂർക്കുന്നിൽ റോഡിന് കുറുകെ ചാടിയ കാട്ടുപന്നി ബൈക്കിൽ ഇടിക്കുകയായിരുന്നു. ഇടിയുടെ ആഘാതത്തിൽ ബൈക്ക് മറിഞ്ഞു തലയ്ക്കും നടുവിനും കാലിനും സാരമായി പരുക്കേറ്റ ബിനോയിയെ ആദ്യം പുൽപള്ളി ആശുപത്രിയിലും പിന്നീട് ബത്തേരി താലൂക്ക് ആശുപത്രിയിലും പ്രവേശിപ്പിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
