400 കിലോ ഉണക്ക കുരുമുളക് കവർന്ന യുവാക്കൾ പിടിയിൽ

അമ്പലവയൽ ∙  400 കിലോഗ്രാം ഉണക്ക കുരുമുളക് മോഷ്ടിച്ച 4 യുവാക്കളെ അമ്പലവയൽ പെ‍ാലീസ് പിടികൂടി. തോമാട്ടുചാൽ ആനപ്പാറ തോണിക്കല്ലേൽ വീട്ടിൽ അഭിജിത്ത് രാജ്(18), മഞ്ഞപ്പാറ കാളിലാക്കൽ വീട്ടിൽ നന്ദകുമാർ (22), ബീനാച്ചി പഴപ്പത്തൂർ ആനയംകുണ്ട് വീട്ടിൽ എ.ആർ. നവീൻരാജ്(20), ബീനാച്ചി അമ്പലക്കുന്ന് വീട്ടിൽ എം.എ. അമൽ(19) എന്നിവരാണ് പിടിയിലായത്. കഴിഞ്ഞ 15ന് രാത്രിയാണ് സംഭവം. 

മഞ്ഞപ്പാറയിൽ അമ്പലവയൽ സ്വദേശി വാടകയ്ക്ക് എടുത്ത വീട്ടിലാണ് മോഷണം. വിൽപനയ്ക്കു പാകമായ രണ്ടു ലക്ഷത്തോളം  വില വരുന്ന കുരുമുളകാണ് കവർന്നത്. ഇൻസ്‌പെക്ടർ എസ്എച്ച്ഒ കെ.പി.പ്രവീൺ കുമാറിന്റെയും എസ്ഐ കെ.എ. ഷാജഹാന്റെയും നേതൃത്വത്തിലുള്ള പെ‍ാലീസ് സംഘമാണ് പ്രതികളെ അറസ്റ്റ് ചെയ്തത്. എസ്‌സിപിഒ വി.കെ.രവി, സിപിഒമാരായ കെ.ബി.പ്രശാന്ത്, ജോജി മാർട്ടിൻ, വി.എസ്‌. സന്തോഷ്, ഹോം ഗാർഡ് രാജേഷ് പെ‍ാലീസ് സംഘത്തിലുണ്ടായിരുന്നു.