പത്താംക്ലാസ് നിലവാര പൊതുപരീക്ഷ: LDC, LGS ഉൾപ്പെടെ 150 തസ്തികകളിൽ

HIGHLIGHTS
  • ഒന്നിലധികം തസ്തികയിൽ അപേക്ഷിച്ചിട്ടുള്ളവർ ഒാരോ തസ്തികയ്ക്കും കൺഫർമേഷൻ നൽകണം.
PSC
SHARE

എസ്എസ്എൽസി നിലവാരത്തിൽ പിഎസ്‌സി നടത്തുന്ന പൊതുപരീക്ഷയ്ക്ക് 150 തസ്തികകൾ. വിവിധ വകുപ്പുകളിൽ എൽഡിസി, ലാസ്റ്റ് ഗ്രേഡ് സർവന്റ്,  ക്ലാർക്ക്/ടൈപ്പിസ്റ്റ്, എൽഡി ടൈപ്പിസ്റ്റ്, ആരോഗ്യ വകുപ്പിൽ ഫീൽഡ് വർക്കർ ഉൾപ്പെടെയുള്ള തസ്തികകളിലാണ് ഫെബ്രുവരിയിൽ പൊതു പരീക്ഷ നടത്തുക. ഇതിനായി നവംബർ 23 മുതൽ ഡിസംബർ 12 വരെ കൺഫർമേഷൻ നൽകണം. പ്യൂൺ, സ്റ്റീൽ ഇൻഡസ്ട്രീസ് കേരള ലിമിറ്റഡ് തസ്തികയിൽ ഡിസംബര്‍ 4 മുതൽ 23 വരെയാണ് കൺഫർമേഷൻ നൽകേണ്ടത്.  

100 മാർക്കിന്റെ ഒബ്ജ്ക്ടീവ് പരീക്ഷയാണ് നടത്തുക. ഒഎംആർ മൂല്യനിർണയമായിരിക്കും. പരീക്ഷാ സമയം 1 മണിക്കൂർ 15 മിനിറ്റ്. 

ചോദ്യപേപ്പർ മലയാളം/ തമിഴ്/ കന്നട ഭാഷകളിൽ. പരീക്ഷയുടെ വിശദമായ സിലബസ് നേരത്തേ  പ്രസിദ്ധീകരിച്ചിട്ടുണ്ട്. 

പൊതുപരീക്ഷ നടക്കുന്ന തസ്തികകളെ കുറിച്ചുള്ള വിശദവിവരങ്ങൾക്ക് പിഎസ്‌സി വെബ്സൈറ്റ് കാണുക. 

കൺഫർമേഷൻ നൽകുമ്പോൾ ...

∙ഒന്നിലധികം തസ്തികയിൽ അപേക്ഷിച്ചിട്ടുള്ളവർ ഒാരോ തസ്തികയ്ക്കും കൺഫർമേഷൻ നൽകണം.

∙പരീക്ഷയ്ക്ക് ഏത് ഭാഷയിലുള്ള ചോദ്യപേപ്പറാണ് (മലയാളം/തമിഴ്/കന്നട) ആവശ്യമുള്ളതെന്നും ഏത് ജില്ലയിലാണ് പരീക്ഷ എഴുതേണ്ടതെന്നും കൺഫർമേഷൻ നൽകുന്ന സമയത്ത് ഉദ്യോഗാർഥികൾ രേഖപ്പെടുത്തണം. ഉദ്യോഗാർഥി തിരഞ്ഞെടുത്ത ഭാഷയിലെ ചോദ്യപേപ്പർ മാത്രമേ ലഭ്യമാക്കൂ.

∙ ജില്ല തിരഞ്ഞെടുക്കുമ്പോൾ പ്രൊഫൈലിൽ രേഖപ്പെടുത്തിയിട്ടുള്ള കമ്യൂണിക്കേഷൻ വിലാസത്തിലെ ജില്ലതന്നെ തിരഞ്ഞെടുക്കണം.

∙നിശ്ചിത സമയത്തിനുള്ളിൽ കൺഫർമേഷൻ നൽകാത്തവർക്ക് പരീക്ഷ എഴുതാൻ കഴിയില്ല. ഇവരുടെ അപേക്ഷ നിരസിക്കപ്പെടും. 

∙കൺഫർമേഷൻ തീയതി അവസാനിച്ചതിനു ശേഷം പരീക്ഷാ തീയതിയും സമയവും പ്രസിദ്ധീകരിക്കും. 

English Summary: Kerala PSC Examination

ഐഎഎസ് /ഐപിഎസ് പരീക്ഷകൾക്ക് ഒരുങ്ങാം ഓൺലൈനായി. കൂടുതൽ വിവരങ്ങൾക്കായിസന്ദർശിക്കൂ

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN CAREER GURU
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA