sections
MORE

പിഎസ്‌സി ബിരുദതല പൊതുപരീക്ഷ മേയ് 22ന്

HIGHLIGHTS
  • മാർച്ച് 14 വരെ കൺഫർമേഷൻ നൽകാത്തവർക്ക് പരീക്ഷ എഴുതാനാവില്ല
kerala-psc-examination-guidelines-time-management
Representative Image: Photo Credit : Panitanphoto / Shutterstock.com
SHARE

ബിരുദതലത്തിലുള്ള പൊതുപരീക്ഷ മേയ് 22നു നടത്താൻ പിഎസ്‌സി തീരുമാനിച്ചു. സമയം 1.30 മുതൽ 3.15 വരെ. മാർച്ച് 14 വരെ കൺഫർമേഷൻ നൽകാത്തവർക്ക് പരീക്ഷ എഴുതാനാവില്ല.  

38 കാറ്റഗറികളിലായി 38 പരീക്ഷകളാണു പൊതുപരീക്ഷയിൽ ഉൾപ്പെടുത്തിയിരിക്കുന്നത്. സബ് ഇൻസ്പെക്ടർ, ആംഡ് പൊലീസ് സബ് ഇൻസ്പെക്ടർ, അസിസ്റ്റന്റ്‍ ജയിലർ, എക്സൈസ് ഇൻസ്പെക്ടർ, ഡിവിഷനൽ അക്കൗണ്ടന്റ് തുടങ്ങിയവയാണു പ്രധാന തസ്തികകൾ. 22,96,000 പേർ അപേക്ഷ നൽകിയിട്ടുണ്ടെങ്കിലും, പൊതുവായി കണക്കാക്കുമ്പോൾ അപേക്ഷകർ 7,47,000 ആയി ചുരുങ്ങും. കൺഫർമേഷൻ പൂർത്തിയാകുമ്പോൾ എണ്ണം വീണ്ടും കുറയും. 

ചോദ്യ പേപ്പർ മലയാളത്തിലും

ബിരുദ നിലവാര പൊതുപരീക്ഷയുടെ ചോദ്യ പേപ്പർ ഇംഗ്ലിഷിനൊപ്പം മലയാളത്തിലും ലഭ്യമാക്കും. ഇംഗ്ലിഷ്, മലയാളം, തമിഴ്, കന്നട ഭാഷാചോദ്യങ്ങൾ ഒഴികെയുളളവയാണ് ഇംഗ്ലിഷിലും മലയാളത്തിലും ലഭ്യമാക്കുക. ഏതു ഭാഷയിലുള്ള ചോദ്യ പേപ്പർ  വേണമെന്നു കൺഫർമേഷൻ സമയത്തു രേഖപ്പെടുത്തണം. 

പ്ലസ് ടു വരെയുള്ള പരീക്ഷകളിലെ ചോദ്യ പേപ്പർ മാത്രമേ ഇതുവരെ മലയാളത്തിൽ നൽകിയിരുന്നുള്ളൂ. കെഎഎസ് ഉൾപ്പെടെ ബിരുദ നിലവാരത്തിൽ നടത്തുന്ന പരീക്ഷകളിലും ചോദ്യം മലയാളത്തിൽ വേണമെന്ന് ആവശ്യമുയർന്നതിനെ  തുടർന്നാണ് ബിരുദ നിലവാര പരീക്ഷകളിലും മലയാളത്തിൽ ചോദ്യം നൽകുന്നത്. 

കൺഫർമേഷൻ നൽകുമ്പോൾ... 

∙ഒന്നിലധികം തസ്തികകളിലേക്ക് അപേക്ഷ നൽകിയവർ എല്ലാ തസ്തികയിലും കൺഫർമേഷൻ നൽകണം. 

∙പരീക്ഷ എഴുതാനുള്ള ജില്ല തിരഞ്ഞെടുക്കുമ്പോൾ കമ്യൂണിക്കേഷൻ വിലാസത്തിലെ ജില്ലതന്നെ തിരഞ്ഞെടുക്കുക. 

∙ഏതു ഭാഷയിലുള്ള ചോദ്യ പേപ്പർ (മലയാളം/തമിഴ്/കന്നട) വേണമെന്നു   രേഖപ്പെടുത്തണം. ഇതുപ്രകാരമുള്ള മാധ്യമത്തിലെ ചോദ്യ പേപ്പർ മാത്രമേ ലഭിക്കൂ. 

English Summary: Kerala PSC Degree Level Examination

ഐഎഎസ് /ഐപിഎസ് പരീക്ഷകൾക്ക് ഒരുങ്ങാം ഓൺലൈനായി. കൂടുതൽ വിവരങ്ങൾക്കായിസന്ദർശിക്കൂ

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN CAREER GURU
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA