പ്ലേസ്മെന്റ് ട്രെൻഡ്: കോർ കമ്പനികൾ കുറയുന്നു

കോഴിക്കോട് എൻഐടിയിൽ ഇത്തവണ കഴിഞ്ഞ വർഷത്തേക്കാൾ മികച്ച പ്ലേസ്മെന്റ് നടന്നെങ്കിലും കോർ കമ്പനികളുടെ എണ്ണം 8 % കുറഞ്ഞു. ഇലക്ട്രിക്കൽ, മെക്കാനിക്കൽ, സിവിൽ തുടങ്ങിയ കോർ മേഖലകളിലെ പല കമ്പനികൾക്കും കോവിഡിനിടെ വിദ്യാർഥികളെ ജോലിക്കെടുക്കാൻ സാധിക്കാത്തതും വർക് ഫ്രം ഹോം ഓപ്ഷനില്ലാത്തതുമാണു കാരണം. അതേസമയം സോഫ്റ്റ്‌വെയർ കമ്പനികളുടെ വരവ് വർധിച്ചു. രാജ്യമെങ്ങും ഈ ട്രെൻഡുണ്ട്.

എൻഐടിയിൽ 148 കമ്പനികളിൽനിന്നായി ഇതുവരെ 598 വിദ്യാർഥികൾക്കു പ്ലേസ്മെന്റ് ലഭിച്ചു. 55 % കമ്പനികളും സോഫ്റ്റ്‌വെയർ മേഖലയിൽനിന്നുള്ളവ. 11 % കമ്പനികൾ ഡേറ്റ അനലിറ്റിക്സ് മേഖലയിൽ നിന്നാണ്. 12 ലക്ഷത്തോളം രൂപയാണ് ശരാശരി വാർഷിക ഓഫർ. മൈക്രോസോഫ്റ്റ്, ഇന്റൽ, സാംസങ്, മാരുതി, ഫോഡ് തുടങ്ങിയ കമ്പനികൾ റിക്രൂട്മെന്റിനെത്തിയതായി പ്ലേസ്മെന്റ് സെൽ മേധാവി ഡോ.വി.സജിത്ത് പറഞ്ഞു.

English Summary: Placement In NIT