പിഎസ്‌സി ബിരുദതല പ്രാഥമിക പരീക്ഷ മാറ്റിവച്ചു

കേരള പിഎസ്‌സി െസപ്തംബറിൽ നടത്താൻ നിശ്ചിയിച്ചിരുന്ന ബിരുദ തല പ്രാഥമിക പരീക്ഷകൾ മാറ്റി. 18, 25 തീയതികളിലായി പ്രഖ്യാപിച്ചിരുന്ന പരീക്ഷകളാണ് മാറ്റിവച്ചത്.  ഈ പരീക്ഷകൾ യഥാക്രമം ഒക്ടോബർ 23, 30 തീയതികളിലായാവും നടത്തുക. കോഴിക്കോട് ജില്ലയിൽ നിപ്പ വൈറസ് റിപോർട്ട് ചെയ്തിരിക്കുന്ന സാഹചര്യത്തിൽ വലിയ പരീക്ഷകൾക്കായി പരീക്ഷാ കേന്ദ്രങ്ങൾ സജ്ജീകരിച്ച് നടത്തുന്നതിന് പരിമിതിയുണ്ട്. ഇക്കാരണത്താലാണ് പരീക്ഷ മാറ്റവച്ചിരിക്കുന്നതെന്ന് പിഎസ്‌സി അറിയിച്ചു.

സെപ്റ്റംബർ 7 ന് നടത്താൻ നിശ്ചയിച്ചിരുന്ന കോളജ് വിദ്യാഭ്യാസ വകുപ്പിൽ അസി. പ്രഫസർ ( അറബി ) തസ്തികയുടെ വിവരണാത്മക പരീക്ഷ ഒക്ടോബർ 6 ലേക്കും മാറ്റി നിശ്ചയിച്ചു.

English Summary: Kerala PSC Degree Level Preliminary Examination Postponed