വിദേശത്ത് ഗവേഷണം ചെയ്യുകയാണോ?, നാട്ടിലെത്തി ഗവേഷണം തുടരാൻ ഇന്ത്യൻ ശാസ്ത്രജ്ഞർക്ക് അവസരം

ജീവശാസ്ത്രം, ബയോടെക്നോളജി, ബയോ–എൻജിനീയറിങ്, ഹെൽത്ത് കെയർ, അഗ്രികൾചർ, വെറ്ററിനറി സയൻസ് എന്നിവയിലെ പുതിയ മേഖലകളിൽ വിദേശത്തു ഗവേഷണം നടത്തുന്ന ഇന്ത്യക്കാർക്കു സ്വദേശത്തു മടങ്ങിയെത്തി ഗവേഷണം തുടരാൻ ആകർഷകമായ അവസരം. കേന്ദ്ര ബയോടെക്നോളജി വകുപ്പാണ് ‘രാമലിംഗ സ്വാമി റീ–എൻട്രി ഫെലോഷിപ്’ നൽകുന്നത്. പിഎച്ച്ഡി /എംഡി /എംടെക് യോഗ്യത വേണം. 

45 വയസ്സ് കവിയരുത്. തിരിച്ചെത്തി ഒരു വർഷം തികയാത്തവർക്കും അപേക്ഷിക്കാം. ഇന്ത്യയിലെ ഗവേഷണ സ്ഥാപനം കണ്ടെത്തി, അനുമതി നേടണം. പ്രതിമാസം ഒരു ലക്ഷം രൂപ ഫെലോഷിപ്, 18,500 രൂപ വീട്ടുവാടക, പ്രതിവർഷം 10 ലക്ഷം രൂപ കണ്ടിൻജൻസി ഗ്രാന്റ്, ഗവേഷണ സ്ഥാപനത്തിന് പ്രതിവർഷം 50,000 രൂപ എന്നിവ 5 വർഷത്തേക്കു ലഭിക്കും. തുടർന്ന് 2 വർഷത്തേക്കു നീട്ടാനും വ്യവസ്ഥയുണ്ട്. 30ന് അകം ഓൺലൈൻ അപേക്ഷ സമർപ്പിക്കണം. 

ഹാർഡ് കോപ്പി ഫെബ്രുവരി 10ന് അകം എത്തിക്കുകയും വേണം. വെബ്സൈറ്റ്: https://dbtindia.gov.in.

Content Summary :Ramalingaswami Re-entry Fellowship