എസ്എസ്എൽസി /തത്തുല്യ യോഗ്യതയുണ്ടോ?; ഡിസൈനിങ് ആൻഡ് ഗാർമെന്റ് ടെക്നോളജി പഠിക്കാം

HIGHLIGHTS
  • 42 സർക്കാർ സ്ഥാപനങ്ങളിലും 94 അംഗീകൃത സ്ഥാപനങ്ങളിലുമായി 3700 സീറ്റുകൾ.
  • ഓരോ കേന്ദ്രത്തിലും കുറഞ്ഞത് 24 സീറ്റ്.
fashion-designing-course-after-10th
Representative Image. Photo Credit: Daniel Jedzura/Shutterstock
SHARE

ഫാഷൻ ഡിസൈൻ പഠനമെന്നു കേട്ടാലുടൻ എൻഐഎഫ്ടി എന്നു പറയുന്നതു സാധാരണം. കണ്ണൂരടക്കം 17 കേന്ദ്രങ്ങളിൽ പ്രവർത്തിക്കുന്ന നാഷനൽ ഇൻസ്റ്റിറ്റ്യൂട്ട് ഓഫ് ഫാഷൻ ടെക്നോളജിയിലെ ചുരുക്കം സീറ്റുകളിൽ പ്രവേശനം കിട്ടാൻ ദേശീയതലത്തിൽ ദശലക്ഷക്കണക്കിനു കുട്ടികൾ ആഗ്രഹിക്കുന്നു. ഈ സാഹചര്യത്തിൽ കേരള സാങ്കേതിക വിദ്യാഭ്യാസ വകുപ്പിന്റെ നിയന്ത്രണത്തിലുള്ള ഫാഷൻ ഡിസൈനിങ് ഇൻസ്റ്റിറ്റ്യൂട്ടുകൾ ന‍ടത്തുന്ന 2 വർഷ FDGT (ഫാഷൻ ഡിസൈനിങ്  & ഗാർമെന്റ് ടെക്നോളജി) പ്രോഗ്രാം ശ്രദ്ധേയമാകുന്നു. 

42 സർക്കാർ സ്ഥാപനങ്ങളിലും 94 അംഗീകൃത സ്ഥാപനങ്ങളിലുമായി 3700 സീറ്റുകൾ. ഓരോ കേന്ദ്രത്തിലും കുറഞ്ഞത് 24 സീറ്റ്. എസ്എസ്എൽസി / തുല്യപരീക്ഷ ജയിച്ച് ഉപരിപഠനയോഗ്യത നേടിയവർക്ക് ഒക്ടോബർ 7 വരെ അപേക്ഷിക്കാം. പ്രായപരിധിയില്ല. വിഷയങ്ങൾക്കു നേടിയ ഗ്രേഡ് പോയിന്റ് നോക്കിയാണു റാങ്കിങ്. സംവരണക്രമം പാലിക്കും.

പ്രവേശനം 17ന്. ക്ലാസുകൾ 19നു തുടങ്ങും. പ്രോസ്പെക്ടസും ഓൺലൈൻ അപേക്ഷാസൗകര്യവും www.poly admission.org/gifd വെബ്‌സൈറ്റിലുണ്ട്. ആദ്യം 100 രൂപയടച്ച് പോർട്ടലിൽ റജിസ്റ്റർ ചെയ്യണം; പട്ടികവിഭാഗം 50 രൂപ. അപേക്ഷയ്ക്ക് സർക്കാർ സ്ഥാപനങ്ങിലേക്കും സ്വകാര്യ സ്ഥാപനങ്ങിലേക്കും വെവ്വേറെ ലിങ്കുകളുണ്ട്. ഒന്നിലേറെ സർക്കാർ സ്ഥാപനങ്ങളിലേക്ക് അപേക്ഷിക്കാൻ പ്രത്യേക ഓപ്ഷനുകൾ നൽകണം. www.sitttrkerala.ac.in സൈറ്റിലും വിവരങ്ങളുണ്ട്.

6 ആഴ്ചത്തെ വ്യവസായ ഇന്റേൺഷിപ്പിലൂടെ പ്രായോഗികപ്രശ്നങ്ങളെ നേരിടാൻ പരിശീലനം ലഭിക്കും. കമ്യൂണിക്കേറ്റീവ് ഇംഗ്ലിഷ് അടക്കം സോഫ്റ്റ് സ്കിൽസ് സ്വായത്തമാക്കാനും അവസരമുണ്ട്. ആദ്യവർഷ ഫീസുൾപ്പെടെ സർക്കാർ സ്ഥാപനങ്ങളിൽ 605 രൂപയും സ്വകാര്യ സ്ഥാപനങ്ങളിൽ 15,346 രൂപയും പ്രവേശനസമയത്ത് അടയ്ക്കണം.

Content Summary : Fashion Designing Course After 10th 

ഐഎഎസ് /ഐപിഎസ് പരീക്ഷകൾക്ക് ഒരുങ്ങാം ഓൺലൈനായി. കൂടുതൽ വിവരങ്ങൾക്കായിസന്ദർശിക്കൂ

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN CAREER GURU

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

വിട, കോടിയേരി

MORE VIDEOS
{{$ctrl.title}}
{{$ctrl.title}}

{{$ctrl.currentDate}}

  • {{item.description}}