ബിരുദമോ ത്രിവത്സര എൻജിനീയറിങ് ഡിപ്ലോമയോ ഉണ്ടോ?; റെയിൽവേ ഡിപ്ലോമ കോഴ്സുകൾ പഠിക്കാം
Mail This Article
ഇന്ത്യൻ റെയിൽവേയുടെ നിയന്ത്രണത്തിലുള്ള ഇൻസ്റ്റിറ്റ്യൂട്ട് ഓഫ് റെയിൽ ട്രാൻസ്പോർട്ട്, 4 ഡിപ്ലോമ പ്രോഗ്രാമുകളിലെ (ഒരു വർഷം) പ്രവേശനത്തിന് ഒക്ടോബർ 31 വരെ അപേക്ഷ സ്വീകരിക്കും.
1) ട്രാൻസ്പോർട്ട് ഇക്കണോമിക്സ് & മാനേജ്മെന്റ്
2) മൾട്ടി–മോഡൽ ട്രാൻസ്പോർട്ട് (കണ്ടെയ്നറൈസേഷൻ) & ലോജിസ്റ്റിക്സ് മാനേജ്മെന്റ്
3) റെയിൽ ട്രാൻസ്പോർട്ട് & മാനേജ്മെന്റ്
ഈ 3 കറസ്പോണ്ടൻസ് പ്രോഗ്രാമുകൾക്കും ഫീസ് 8000 രൂപ വീതം.
4) പോർട്ട് ഡവലപ്മെന്റ് & മാനേജ്മെന്റ് – ഫീസ് 10,000 രൂപ
ഏതെങ്കിലും ബിരുദമോ ത്രിവത്സര എൻജിനീയറിങ് ഡിപ്ലോമയോ ഉള്ളവർക്ക് അപേക്ഷിക്കാം. സർക്കാർ ജീവനക്കാർക്കും സായുധസേനയിൽ സേവനം അനുഷ്ഠിച്ചവർക്കും പ്ലസ്ടുവും 3 വർഷത്തെ പ്രവർത്തനപരിചയവും മതി.
ചെന്നൈ, മുംബൈ, ഡൽഹി അടക്കം 8 കേന്ദ്രങ്ങളിൽ പരീക്ഷ നടത്തും. വിശദാംശങ്ങൾക്ക് 200 രൂപയുടെ ഡ്രാഫ്റ്റ് സഹിതം ആവശ്യപ്പെട്ട് പ്രോസ്പെക്ടസ് വരുത്താം. Institute of Rail Transport എന്ന പേരിൽ ന്യൂഡൽഹിയിൽ മാറാവുന്ന ഡ്രാഫ്റ്റിന്റെ പിന്നിൽ അപേക്ഷകരുടെ പേരും വിലാസവും കോഴ്സിന്റെ പേരും ക്യാപിറ്റൽ അക്ഷരങ്ങളിൽ എഴുതണം.
വിലാസം: The Institute of Rail Transport, Room No.104, North Central Railway Project Unit (NCRPU), Near IRWO Office, Shivaji Bridge, New Delhi-110001; ഫോൺ: 011 23214362, ഇമെയിൽ: edirt.1964@gmail.com
വെബ്സൈറ്റ്: www.irt.indianrailways.gov.in
Content Summary : Diploma in Rail Transport and Management