അസ്ട്രോണമി, അസ്ട്രോഫിസിക്സ്, ഫിസിക്സ് വിഷയങ്ങളിൽ സ്‌കോളർഷിപ്പോടെ പിഎച്ച്ഡി ഗവേഷണത്തിനു താൽപര്യമുള്ളവർക്ക് പുണെയിലെ ഇന്റർ യൂണിവേഴ്‌സിറ്റി സെന്റർ ഫോർ അസ്ട്രോണമി നടത്തുന്ന ‘ഐനാറ്റ് 2023’ (IUCAA - National Admission Test) എന്ന ടെസ്‌റ്റെഴുതാം.
വിലാസം :
Inter-University Centre for Astronomy and Astrophysics,
Pune University Campus, Ganeshkhind,
Pune 411 007,
Ph.: 020-2560 4100;
e-mail: inat@iucaa.in;
വെബ് : http://inat.iucaa.in
യുജിസിയുടെ നിയന്ത്രണത്തിലുള്ള സ്വയംഭരണസ്ഥാപനമാണിത്.
ഗവേഷണമേഖലകൾ: ഗ്രാവിറ്റി, കോസ്മിക് മാഗ്നറ്റിക് ഫീൽഡ്സ്, കോസ്മോളജി, ഹൈ എനർജി അസ്ട്രോഫിസിക്സ്, ഭൂമിയിൽ നിന്നും സ്പേസിൽ നിന്നുമുള്ള നിരീക്ഷണം, സോളർ ഫിസിക്സ്
പ്രവേശന യോഗ്യത: ഇനി പറയുന്ന ഏതെങ്കിലുമൊരു യോഗ്യത 55% എങ്കിലും മാർക്കോടെ 2023 ജൂലൈയോടെയെങ്കിലും പൂർത്തിയാക്കണം – ഫിസിക്സ്, അസ്ട്രോണമി, അപ്ലൈഡ് മാത്തമാറ്റിക്‌സ്, ഇലക്ട്രോണിക്സ് ഇവയൊന്നിലെ എംഎസ്സി / ഇന്റഗ്രേറ്റഡ് എംഎസ്സി, അഥവാ ഏതെങ്കിലും ശാഖയിലെ ബിഇ / ബിടെക്.
സമർഥരായ ബിഎസ്‌സി അവസാന വർഷക്കാർ, എംഎസ്സി ഒന്നാം വർഷക്കാർ, ഇന്റഗ്രേറ്റഡ് എംഎസ്സി നാലാം വർഷക്കാർ, ബിഇ / ബിടെക് രണ്ടും മൂന്നും വർഷക്കാർ എന്നിവർക്ക് മുൻകൂർ സിലക്‌ഷനുവേണ്ടി അപേക്ഷിക്കാം. ഇവർക്ക് ബിഇ/ബിടെക്/എംഎസ്സി പൂർത്തിയാക്കിയതിനുശേഷം ഇന്റർ യൂണിവേഴ്‌സിറ്റി സെന്ററിൽ പിഎച്ച്ഡി ഗവേഷണ സ്കോളർഷിപ്പിനു ചേരാം.
അപേക്ഷകർ അസ്ട്രോണമി പഠിച്ചിരിക്കണമെന്നു നിർബന്ധമില്ല. ഫിസിക്സിൽ എംഎസ്സി തലം വരെയുള്ള അടിസ്ഥാനവിവരങ്ങളെ സംബന്ധിച്ച ചോദ്യങ്ങൾ ടെസ്റ്റിലും ഇന്റർവ്യൂവിലും ഉണ്ടാകും.
ഓൺലൈൻ അപേക്ഷ: ഡിസംബർ 13ന് അകം സമർപ്പിക്കണം. 2 റഫറിമാർ ഓൺലൈനായി അയയ്ക്കുന്ന അസസ്മെന്റ് രഹസ്യറിപ്പോർട്ടുകൾ ഡിസംബർ 19ന് അകം എത്തിക്കുകയും വേണം. ഈ റിപ്പോർട്ടുകളില്ലെങ്കിലും അപേക്ഷ പരിഗണിക്കുമെങ്കിലും സിലക്‌ഷനു സാധ്യത കുറയും
പ്രവേശനപരീക്ഷ: സിലക്‌ഷന്റെ ഭാഗമായി ഫെബ്രുവരി 8ന് രാവിലെ 10 മണിക്കു പുണെയിൽ 2 മണിക്കൂർ എഴുത്തുപരീക്ഷയും, അന്നും പിറ്റേന്നും 45 മിനിറ്റോളം നീളുന്ന ഇന്റർവ്യൂവും.
Content Summary : INAT 2023 National Admission Test
