എസ്എസ്എൽസി സേ പരീക്ഷ ഇന്നുമുതൽ
![Gulf Higher Secondary Examination Representative Image. Photo Credit : Chinnapong / iStockPhoto.com](https://img-mm.manoramaonline.com/content/dam/mm/mo/education/education-news/images/2023/5/7/examination-hall-writing-question-paper-chinnapong-istock-photo-com.jpg?w=1120&h=583)
Mail This Article
തിരുവനന്തപുരം∙ എസ്എസ്എൽസി ‘സേവ് എ ഇയർ’ (സേ) പരീക്ഷ ഇന്നു മുതൽ 14 വരെ നടക്കും. ഈ മാസം അവസാനത്തോടെ ഫലം പ്രഖ്യാപിക്കും. എസ്എസ്എൽസി പരീക്ഷയിൽ 3 വിഷയം വരെ പാസാകാനുള്ള 1101 പേർ പരീക്ഷ എഴുതുന്നു.
Read Also : നാലുവർഷ ബിരുദം ഇക്കൊല്ലം തുടങ്ങണം: വിസിമാരോട് മുഖ്യമന്ത്രി
ഇതിനൊപ്പം, ആരോഗ്യ കാരണങ്ങളാൽ പരീക്ഷ എഴുതാനാകാതെ പോയ പത്തോളം പേരും കായിക മത്സരങ്ങളിൽ പങ്കെടുക്കാൻ പോയതു മൂലം പരീക്ഷ എഴുതാനാകാത്ത കണ്ണൂർ സ്പോർട്സ് സ്കൂളിലെ 2 കുട്ടികളും സർക്കാരിന്റെ പ്രത്യേക അനുമതിയോടെ മുഴുവൻ പരീക്ഷകളും എഴുതുന്നുണ്ട്.
ഗൾഫിലെ ഒന്നും ലക്ഷദ്വീപിലെ നാലും സെന്ററുകളിലും പരീക്ഷയുണ്ട്. സേ പരീക്ഷയിൽ യോഗ്യത നേടുന്നവർക്ക് പ്ലസ് വൺ പ്രവേശനത്തിനു സപ്ലിമെന്ററി ഘട്ടത്തിൽ അപേക്ഷിക്കാം.
Content Summary : Kerala SSLC 2023 save a year exam begins today