നായയെ ആക്രമിച്ച വ്യാപാരിക്ക് മേനക ഗാന്ധിയുടെ മുന്നറിയിപ്പ്

തെരുവുനായയെ ക്രിക്കറ്റ് ബാറ്റു കൊണ്ടു തല്ലിയെന്ന പരാതിയിൽ ബെംഗളൂരുവിലെ വ്യാപാരിക്കെതിരെ  മുന്നറിയിപ്പുമായി ബിജെപി എംപി മേനക ഗാന്ധി. നായയെ തല്ലുന്നതു തടയാൻ ശ്രമിച്ച അയൽക്കാർക്കെതിരെ അപമര്യാദയായി പെരുമാറിയ രാമലിംഗം എന്നയാൾക്കെതിരെ പീഡന കേസെടുക്കുമെന്നാണു മുന്നറിയിപ്പ്. 

മകളെ നായ കടിച്ചതിനെ തുടർന്നാണു ബാറ്റുകൊണ്ടു തല്ലിയതെന്നാണ് സംഭവത്തിൽ പൊലീസ് വിശദീകരണം. കാര്യമറിയാതെ പക്ഷം ചേർന്നാണു മേനക സംസാരിക്കുന്നതെന്നും ആത്മരക്ഷാർഥം നായയെ തള്ളി മാറ്റാൻ മാത്രമേ ശ്രമിച്ചിട്ടുള്ളൂ എന്നു രാമലിംഗവും വിശദീകരിക്കുന്നു.

English Summary: Maneka Gandhi threatens Bengaluru businessman for attacking stray dog