സഫാരിക്കിടെ കാട്ടാന പിന്നാലെ; വാഹനത്തെ തലകീഴായി മറിച്ചിട്ടു, യുവതിക്ക് ദാരുണാന്ത്യം

സാംബിയയിൽ സഫാരി യാത്രയ്ക്കിടെ കാട്ടാനയുടെ ആക്രമണത്തിൽ അമേരിക്കൻ യുവതിക്ക് ദാരുണാന്ത്യം. കഫ്യു നാഷനൽ പാർക്കിലാണ് സംഭവം. ശനിയാഴ്ച രാവിലെ ആറുപേരുമായി പോകുന്ന വാഹനത്തെ ആന പിന്തുടർന്ന് മറിച്ചിടുകയായിരുന്നു. ഈ സമയമത്രയും കൂട്ടത്തിലൊരാൾ വിഡിയോ പകർത്തുണ്ടായിരുന്നു. ഈ വിഡിയോ സമൂഹമാധ്യമങ്ങളിൽ വൈറലാണ്.

കൂട്ടത്തിലുണ്ടായിരുന്ന മറ്റൊരു യുവതിക്കും ഗുരുതര പരുക്കേറ്റിട്ടുണ്ട്. ഇവർ ഇപ്പോൾ ആശുപത്രിയിൽ ചികിത്സയിലാണ്. ബാക്കി നാലുപേർക്ക് നിസാര പരുക്കുകൾ മാത്രമാണ് ഉണ്ടായിരുന്നത്. തങ്ങളുടെ ഗൈഡുകൾ പരിശീലനം നേടിയവരാണെന്നും എന്നാൽ ആന വഴിമുടക്കിയതിനാൽ മുന്നോട്ടുപോകാനായില്ലെന്നും പാർക്ക് അധികൃതർ പറഞ്ഞു.