ഒരുകൂട്ടം പാമ്പുകളെ ഒറ്റകൈയിൽ തൂക്കിയെടുത്ത് യുവാവ്; ഭയാനക കാഴ്ച

പാമ്പുകളെ ശ്രദ്ധയോടെ കൈകാര്യം ചെയ്തില്ലെങ്കില്‍ എത്ര വലിയ പാമ്പുപിടിത്തക്കാരനാണെങ്കിലും ആക്രമണം നേരിടേണ്ടി വരും. എന്നാലിവിടെ ഒരു യുവാവ് പാമ്പുകളെ കൈയിൽപിടിച്ച് അമ്മാനമാടുകയാണ്. ഭയംകൊണ്ട് കോരിത്തരിക്കും കാഴ്ച നിമിഷനേരം കൊണ്ടാണ് വൈറലായത്.

യുവാവ് നീളംകൂടിയ ആറ് പാമ്പുകളുടെ വാലുകൾ കൂട്ടിച്ചേർത്ത് ഒരു കൈയിൽ ഒതുക്കുകയും മറ്റൊരു കൈകൊണ്ട് പാമ്പുകളെ പൊക്കിയെടുക്കുകയും ചെയ്യുന്നു. ഇതിനിടയ്ക്ക് പാമ്പുകൾ ഇഴഞ്ഞ് താഴേക്കിറങ്ങാൻ ശ്രമിക്കുന്നുണ്ട്. ഭാരം കൂടുതലായതിനാല്‍ യുവാവ് വീണ്ടും തലഭാഗം താഴേക്കിട്ട് തൂക്കിപിടിച്ചു. ഇതിനിടയ്ക്ക് യുവാവിന്റെ കാലിനിടയിലൂടെയും മറ്റുമായി പാമ്പുകൾ രക്ഷപ്പെടാൻ ശ്രമിക്കുന്നുണ്ട്. ഒരു പാമ്പുപോലും യുവാവിനെ ആക്രമിക്കാനായി ശ്രമിക്കുന്നില്ലെന്നതും ശ്രദ്ധേയമാണ്.