കുത്തൊഴുക്കിൽ വീണ നായയെ രക്ഷിച്ച് മറ്റൊരു നായ; വായിലെ കമ്പ് സഹായമായി– വിഡിയോ

കുത്തൊഴുക്കിൽ വീണ നായയെ രക്ഷിച്ച് മറ്റൊരു നായ. വായിൽ കമ്പുമായി ഒഴുകിയെത്തിയ കറുത്ത നായയെയാണ് കരയിൽ നിന്നിരുന്ന മറ്റൊരു നായ അതിസാഹസികമായി രക്ഷിച്ചത്. വർഷങ്ങൾക്ക് മുൻപ് പുറത്തിറങ്ങിയ വിഡിയോ വീണ്ടും സമൂഹമാധ്യമങ്ങളിൽ വൈറലാണ്.

പാറയിടുക്കുകൾക്കിടയിലെ ചെറിയ വെള്ളച്ചാട്ടത്തിന് വക്കിലായി നിന്ന കറുത്ത നായ കരയിലേക്ക് കയറാൻ ശ്രമം നടത്തിയെങ്കിലും വെള്ളത്തിന്റെ ഒഴുക്കിൽ നടന്നില്ല. അധികംവൈകാതെ തന്നെ നായ വെള്ളത്തിലേക്ക് വീഴുകയായിരുന്നു. തൊട്ടപ്പുറത്തെ പാറയിൽ ഇതെല്ലാം കണ്ടുനിന്ന നായ അവനെ രക്ഷിക്കാനായി കാത്തിരിക്കുകയായിരുന്നു. തന്റെയടുത്ത് ഒഴുകിയെത്തിയ നായയുടെ വായിലെ കമ്പ് വെളുത്ത നായ കടിച്ചുപിടിച്ചു. പിന്നീട് കമ്പിന്റെ സഹായത്തോടെ കറുത്ത നായയെ കരയിലേക്ക് വലിച്ചുകയറ്റുകയായിരുന്നു.

വെള്ളത്തിൽ ഒഴുകിപ്പോകുമ്പോഴും വായിലെ കമ്പ് വിടാതെ പിടിക്കാൻ കറുത്ത നായ കാണിച്ച ധൈര്യമാണ് അവന് തുണയായതെന്നും അതില്ലെങ്കിൽ വെളുത്ത നായയ്ക്ക് രക്ഷിക്കാനാകില്ലെന്നും വിഡിയോ കണ്ടവർ പറഞ്ഞു. ആപത്ത് സമയത്ത് കൈകൊടുക്കുന്ന നല്ല സുഹൃത്തിന്റെ പ്രതീകമാണ് വെളുത്ത നായയെന്നും ആളുകൾ പറഞ്ഞു.

Content Highlights: Dog saves its friend from drowning in river